Претходно
Според науката, партнерите кои се шегуваат едни со други имаат подобри врски
Замислете си дека сте во врска со личност која има сè што сте посакувале – грижлива е, добра е со вашите пријатели и семејство, има добра работа, одговорна е и изгледа одлично. Но, оваа личност воопшто не може да поднесе доколку направите шега на нејзина сметка. Можеби мислите дека ова не е проблем, но истражувањата покажале дека најсреќните парови се оние кои се шегуваат меѓу себе и кои можат да прифатат шега на нивна сметка.
Истражувачот Џефри Хол од Универзитетот во Канзас спровел 39 различни истражувања во рок од 30 години, во кои учествувале 15.000 луѓе. Цели три децении тој ги анализирал врските со цел да открие што го одредува нивниот успех или неуспех.
Според Џефри, не е доволно да барате партнер само со смисла за хумор, бидејќи тоа е премногу субјективно. Потребно е да најдете личност која има иста смисла за хумор како и вашата.
„Луѓето велат дека сакаат смисла за хумор кај нивниот партнер, но тоа е широк концепт. Тоа што луѓето мислат дека сте смешни или што можете да направите шега од сè, не е силно поврзано со задоволството во врската. Она што е силно поврзано со задоволството во врската е хуморот што парот го создава заедно.“
Клучното нешто во неговите истражувања е токму тоа – хуморот што парот го создаваат заедно. Креирањето нешто и внатрешните шеги се она што е потребно за силна врска.
„Замислете си дека вие и вашиот партнер имате чудна смисла за хумор, но романтичните комедии и сериите не ви мамат реакција… Тоа не значи дека некој стил или смисла за хумор е подобар или полош. Она што е важно е тоа и двајцата да го сметате чудниот хумор за смешен. Ако ги споделувате нештата што ви се смешни, вие ја потврдувате врската преку смеа.“
Џефри исто така истакнал дека паровите кои можат да се смеат едни на други градат одредена безбедност помеѓу нив. Ако на пример вашиот партнер ви каже слатка шега за нешто за коешто сте несигурни, ќе знаете дека тој е свесен за вашите несигурности, но и дека ги прифаќа.
„Игривоста помеѓу романтичните партнери е клучен дел во поврзувањето и воспоставувањето на сигурноста во врската. Заедничкото смеење е особено важен индикатор на романтична поврзаност помеѓу двајца потенцијални партнери.“
Доколку мислите дека шегувањето може да биде прикривање на вербално малтретирање, Џефри има совет и за тоа.
„Имањето агресивна смисла за хумор е воглавно лош знак за врската, но полошо е ако стилот е користен во врската. Ако мислите дека вашиот партнер кажува злобни шеги, веројатно сте го виделе тоа од прва рака во вашата врска.“
Добрите шеги се совршеното нешто за вашата врска. Па ако најдете некој кој ја има истата смисла за хумор со вас и може да ги прифати шегите на негова сметка, веројатно ве очекува неверојатна врска.
Погледнете ги и причините зошто будалестите парови имаат најцврста љубовна врска.
