Претходно
Сите ја советуваат да го отстрани белегот од нејзиното лице, но таа одбива затоа што тоа ја прави уникатна
Касандра Нод е 22-годишна танчарка од Канада. Очите на публиката се постојано вперени кон неа додека настапува и затоа нејзините работодавци не го сакаат нејзиниот вроден белег на образот под левото око.
Таа и самата сакала да го отстрани кога била помала затоа што како и секое друго дете не сакала да отскокнува од другите поради еден таков белег. Но, денес веќе возрасната девојка одбива да го отстрани и мило ѝ е што се разликува од другите поради него. Многумина, и работодавачи и блиски, ја советуваат да го отстрани белегот за да изгледа поубаво, но Касандра одговара:
„Мојот белег е важен дел од мене. Ме прави уникатна и лесно ме паметат, што е многу важно во професијата што ја одбрав.“
Таа прв пат одбила да прави операција кога дознала дека потоа може да заврши со лузна на нејзиното лице. Вели дека не се соочува со предрасуди поради нејзиниот изглед, освен кога еден агент ѝ рекол дека ќе биде подобро да го отстрани белегот барем во Фотошоп. Иако таа во прв момент се согласила, подоцна и тоа одбила да го стори.
Касандра честопати била задевана од другарите на училиште поради изгледот и заради тоа се чувствувала грдо и имала ниска самодоверба. Но, сега кога е повозрасна тие работи повеќе не ја повредуваат и таа се гордее со својата уникатност. Тоа денес не ѝ пречи многу во работата, а не ѝ пречело ниту да пронајде момче.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Se gleda deka e tuka nesto fotosop…Veli pod levoto oko a na nekoi sliki belegot e pod desnoto oko, a kaj nekoi pod levoto…ima razlicni sliki i belegot ne e kaj site na isto mesto… 😀
Ане, некои апликации на мобилните телефони ја вртат сликата на камерата, други не. Затоа изгледа како белегот да е на различно место на различни фотографии.