Претходно
Што е черофобија и дали страдате од неа?
Дали ви е страв од среќа? Дали настојувате да избегнувате ситуации што ве прават среќни бидејќи мислите дека тоа ќе ве направи меки, непродуктивни или ќе резултира со нешто лошо? Ако ова ви звучи познато, изгледа дека да имате черофобија.
Што е черофобија?
Според неколку неодамнешни истражувања, иако звучи навистина чудно, возможно е да се плашите од среќа. Стравот од среќата е наречен черофобија. Коренот на зборот „черо“ потекнува од грчкиот збор „chero“ што значи „да се радува“. Зборот „черо“ се користел за да ја опише состојбата на луѓе кои не сакале да се вклучат во активности кои ги прават среќни.
Иако сè уште не е добро дефинирана, неколку експерти за менталното здравје ја идентификувале фобијата како реален ментален предизвик кој треба да се сфати сериозно.
Широкото мислење е дека некој вид траума или искуство, најверојатно веднаш по некој среќен настан, е причината за појава на черофобијата. Состојбата го условува пациентот да верува дека среќата неизбежно предизвикува лоши нешта. Со други зборови, ви станува страв дека ако нешто ве направи среќни, како резултат ќе се случи нешто лошо.
Дали страдате од черофобија?
Ако страдате од мала аверзија кон што било што ви предизвикува среќа, живеете со малку страст и треба да направите промена. Но како да знаете дали страдате од черофобија? Истражувачите направиле нешто што го нарекле „скала за страв од среќа“ која вклучува неколку прашања коишто треба да си ги поставите.
- Дали ви е страв да си дозволите да бидете среќни?
- Дали верувате дека не заслужувате да бидете среќни?
- Кога сте среќни, дали верувате дека следно ќе се случи нешто лошо?
Ако одговорите на кое било од прашањата со „Да“, големи се шансите да страдате од черофобија. Покрај тоа, добро е да знаете дека постојат 2 лични карактеристики кои имаат најголеми шанси да го зголемат стравот од среќа.
1. Интровертност
Бидејќи черофобијата е поврзана со избегнување потенцијално среќни и забавни ситуации, интровертноста е одлична околина за нејзиното цветање. Ова не значи дека поголемиот број од интровертите имаат черофобија, туку дека некој кој имал трауматичен настан има поголеми шанси да развие черофобија ако е интроверт.
2. Перфекционизам
Перфекционистите се покажале како поподложни на черофобија. Најверојатно тие веруваат дека ако сте среќни, сте само мрзливи. Поради ова среќата за нив е како закана која може да ги спречи во успехот.
Што да правите?
На крај, за да си помогнете потребно е да го смените начинот на којшто размислувате. Потребно е да работите напорно за да го откриете коренот на аверзијата. Не знаете што ви предизвикува болка, но морате да го најдете одговорот. Штом ќе ја најдете причината, ќе замине и болката. Бидејќи черофобијата има многу заеднички особини со анксиозноста, техниките за релаксација и водењето дневник можат да ви ги олеснат симптомите.
Што мислите, од каде потекнуваат нашите стравови и фобии?
