Претходно
Проект со инспиративна цел: Зошто луѓето кои го победиле ракот не се жртви?
Cancer Grad е веб-сајт што го истражува влијанието на ракот на дојката на женското тело и душа. Користејќи хумор и искреност, тие имаат цел да докажат дека луѓето кои ја победиле оваа страшна болест не треба да се опишуваат со епитетот „преживеани“.
Овој веб-сајт ја трансформира традиционалната приказна за ракот со тоа што има направено платформа преку која болните од рак можат да пронајдат нови перспективи, да споделат искуства и да се поврзат со група за поддршка.
Cancer Grad е основан од страна на Аниела МекГинис и Нора МекМахон, херојки кои успеале да се изборат со ракот. Тие се обидуваат да го редефинираат искуството низ кое поминуваат болните од рак и да докажат дека не станува збор само за етикета, туку за цела револуција.
Аниела и Нора се запознале преку заеднички пријател. Тие имале многу заеднички нешта: Слична смисла за хумор, знаеле да се шегуваат на своја сметка, а и на двете им бил дијагностициран рак. Набрзо станале добри пријателки.
Еднаш додека разговарале, Аниела и Нора признале дека ниту една од нив не можела да се пронајде во поимот „преживеана од рак“. Тие сакале да ги согледаат нивните дијагнози и терапии од поинаков аспект, таков што нема да буди негативни мисли поврзани со војна и битка.
Тие сфатиле дека не само што преживуваат, туку исто така и се надградуваат. Почнале да ја бараат позитивната страна на дијагнозата на рак и да ја разбираат како можност за учење и развој.
Токму поради тоа, Cancer Grad започнале движење на светско ниво за сите „ученици“ и „академци“ кои би можеле да се инспирираат меѓусебно, да споделуваат искуства и совети за лекциите што ги научиле од овој застрашувачки животен „учител“.
Прочитајте ја и оваа инспиративна приказна за мајка која прави перики за девојчиња болни од рак со кои тие изгледаат како принцези од Дизни.
