Претходно
Пријатно Фотошоп-изненадување за сите што чекаат автобус
Датум: 10 јун 2013
Коментари: 0
Замислете, чекате автобус, здодевно ви е, 57-цата пак доцни и тогаш на рекламното пано пред вас се појавувате во фотошопирана верзија, поставени во некоја интересна сцена. Тотално неочекувано и возбудливо, нели?
Оваа кампања, која потсетува на комбинација од Скриена камера и Невозможна мисија, се снимала во Стокхолм, Шведска, како најава за настанот Adobe Creative Days, кој ќе се случи на 11 јуни во нордискиот регион.
Погледнете ги бесценетите реакции на луѓето кои биле тајно фотографирани и потоа фотошопирани, во моментот кога ќе се видат себеси наместо рекламата на билбордот отспротива.
Шеговитата акција е дел од т.н. „улично ретуширање“ од Адоби во која мајсторот зад креациите е вештиот Фотошоп-експерт Ерик Јохансон.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
