Претходно
Поранешен Инстаграм модел ги преработува своите објави за да ја покаже вистината зад фотографиите
Одмаздата на интернет моделот Есена Онил против социјалните мрежи е моќна. Кога станува збор за Инстаграм славни, постојат малку модели кои заработувале повеќе од оваа 18-годишна девојка од Австралија. Нејзиниот профил кој вклучува комбинација од пејзажи и фотографии од неа покрај водопади, достигнал скоро 580.000 следачи. Таа исто така имала и 260.000 претплатници на Јутјуб и 60.000 на Снепчет.
Сè тоа се случувало пред нејзиниот слом, кој резултирал со бришење на повеќе од 2.000 фотографии и неактивност на Јутјуб и Снепчет со цел да ја открие реалноста зад работата како модел на социјалните мрежи. Таа ги модификувала објавите на фотографиите кои ги оставила на Инстаграм со цел да открие низ што поминувала за нејзините фотографии да изгледаат толку совршени, а сепак спонтани.
НЕ Е ВИСТИНСКИ ЖИВОТ – Направив над 100 фотографии во слични позиции додека да го направам мојот стомак да изгледа добро. Скоро и да не јадев тој ден. Постојано ѝ викав на мојата помала сестра да продолжи да ме фотографира сè додека не налетав на фотографија на која донекаде бев горда.
НЕ Е ВИСТИНСКИ ЖИВОТ – Не платив за овој фустан, направив безброј фотографии за да се обидам да изгледам жешко за Инстаграм, формалното ме направи да се чувствувам исклучително осамено.
Тука имав акни, ова е многу шминка. Се смеев бидејќи мислев дека изгледам добро. Среќата базирана врз естетика ќе го загуши вашиот потенцијал тука на Земјата.
Бев платена 400 долари за да објавам фотографија со фустан. Тоа беше кога имав можеби 150.000 следачи. Со половина милион следачи, многу онлајн брендови (со голем буџет) плаќаат и до 2.000 долари за објава. Нема ништо лошо во тоа да прифатите договор со бренд. Само сакам да се знае што се случува. Оваа фотографија нема основа, не е од етички производител (во тоа време не бев образована). Сакам да кажам дека СОЦИЈАЛНИТЕ МРЕЖИ НЕ СЕ ВИСТИНСКИ. Бидете внимателни за она што луѓето го промовираат и запрашајте се што се нивните намери зад фотографијата.
НЕ Е ВИСТИНСКИ ЖИВОТ – Ме платија за да ги промовирам и фармерките и маичката.
ПРОМЕНА НА ВИСТИНСКИОТ КЕПШН: Платив за оваа фотографија. Ако забележите дека ги гледате „Инстаграм девојките“ и дека посакувате вашиот живот да е таков… Сфатете дека вие го гледате само она кое тие сакаат да го видите. Ако спомнат компанија, постојат 99% шанса дека тие ги платиле да го направат тоа. Нема ништо лошо во поддршката на оние брендови кои ги сакате (на пример, јас гордо би промовирала еколошки чаршафи или веганско јадење во замена за пари бидејќи тоа е бизнис со цел за мене). Но, ова нема цел. Нема цел во лажната насмевка, малите облеки и плаќањето да изгледате убаво. Ние сме генерација на која ѝ се кажува да консумира и консумира, без размислување од каде доаѓа сè тоа и кон што води.
Единственото нешто што направи да се чувствувам добро тој ден беше оваа фотографија. Колку длабоко депресивно. Имањето добро тело не е сè за што ние луѓето сме способни.
🐬 Уште една фотографија која е направена со цел да го промовира моето 16-годишно тело. Ова беше целиот мој идентитет. Тоа ограничуваше. Ме направи неверојатно несигурна. Немате идеја.
Сите овие промени во објавите се одвиваат паралелно со појавата на нејзиниот нов веб-сајт „Let’s Be Game Changers“ кој досега се состои од лични блог постови, информации, форум и серија влогови против светот на моделите кои ви даваат точна слика за она што се случува во нејзиниот ум додека таа агресивно си оди од кариерата која успешно ја изградила.
Последното видео кое го објавила на сајтот е ова видео каде што таа го објаснува бизнисот на социјалните мрежи, како е да се работи како модел и што требало да се промени за таа да дојде до момент кога сметала дека откажувањето е единственото нешто што таа може да го направи за својата добросостојба.
