Писмо на еден татко до неговата ќерка за идниот маж, кое секој треба да го прочита

Драга,

Неодамна јас и мајка ти баравме некои одговори на Гугл. Почнавме да внесуваме прашање во пребарувачот и веќе на половина, Гугл прикажа листа на најпопуларните пребарувања на таа тема. На врвот на листата стоеше: „Како да го одржиш заинтересиран?“

Се запрепастив. Исчитав безброј текстови за тоа како да бидеш секси, кога да му донесеш пиво, а кога сендвич и начините на кои треба да направиш да се почувствува паметно и супериорно.

Се разбеснев.

Малечка, никогаш нема да биде и никогаш не било твоја работа „да го одржуваш заинтересиран“.

Малечка, твојата единствена задача е длабоко во својата душа да знаеш дека ти си вредна за внимание. Ако си свесна за своите вредности, ќе бидеш атрактивна и посакувана во најдобра можна смисла. Ќе привлечеш момче кое е способно да ги препознае твоите квалитети и кое е спремно да го посвети својот единствен живот на тебе.

Малечка, ти зборувам за момче кое не е потребно да го „одржуваш заинтересирано“, затоа што тој знае дека ти се интересна.

Баш ми е гајле дали тој ги потпира лактите на масата, затоа што неговиот поглед е фокусиран на тоа како носот ти се брчка додека се смееш и не може да го тргне погледот од него.

Баш ми е гајле што не знае да игра голф, па не може да изигра партија со мене, сè додека си го следи своето срце, а тоа секогаш го носи до тебе.

Баш ми е гајле што е јак, додека ти овозможува да ја јакнеш силата на своето срце.

Ни малку не ми е грижа за кого тој гласа, додека секое утре се буди и те избира тебе за посебното место во вашиот дом и посебното место во неговото срце.

Не ме интересира ни бојата на неговата кожа, додека платното на вашиот заеднички живот е обоено со трпение, пожртвуваност, чувствителност и нежност.

Не ми е важно како е религиозно одгледан, оваа или онаа или ниедна религија, ако е одгледан да го цени животот и ако секој момент што ќе го помине со тебе му е свет.

На крајот малечка, ако налеташ на таков човек, а тој и јас немаме ништо заедничко, ќе ја имаме заедничка најважната работа:

Тебе.

На крајот на краиштата, малечка, единствено што треба да правиш за да го „држиш заинтересиран“ е да бидеш ти.

Твоето вечно заинтересирано момче,

Тато

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?