Претходно
Оваа пекарка ги трансформира обичните колачиња во уметнички дела инспирирани од везови
Унгарската пекарка и артистка Џудит Пор е современиот Леонардо да Винчи на колачињата. Работејќи од нејзиниот дуќан за декорирање торти и колачи „Mézesmanna“, кој се наоѓа во Ајка, таа подготвува најразлични дизајни: од класични унгарски шари до помодерни форми и облици. За неа не постојат граници кога станува збор за уметноста на украсувањето на колачите, а нејзината способност и вештина се забележуваат на сите нејзини креации во кои се вбројуваат и детални илустрации од луѓе и животни. Сепак, цветните шари инспирирани од везовите се нејзиниот препознатлив стил.
За да ги произведе овие деликатни композиции, Пор користи повеќе алатки за глазури и шлаг. Таа вели дека секојдневното вежбање е клучно во патот кон успехот и исполнувањето на целите.
Сѐ е создадено со слободна рака и без помош на скици и цртежи, а во нејзината вешта работа постои еден неверојатен ритам кој ќе мора да го видите за да поверувате.
Погледнете ги останатите нејзини дела…
