Претходно
Куче било напуштено на бензинска станица, а сега е симпатичен работник со полно работно време
Негао е пријателски настроено куче коешто сега живее фантастичен живот, но тоа не било случај отсекогаш.
Сопственичка на бензинската станица „Shell“ во Можи дас Крузис, во Бразил, Сабрина Планерер еден ден забележала како ова куче се шетало околу станицата. Кутрото, било напуштено и оставено таму и се вртело наоколу, бидејќи било премногу исплашено за да си замине од бензинската станица.
Сабрина едноставно знаела дека не може да го остави симпатичното куче, па таа и нејзиниот партнер решиле веднаш да го посвојат и да му ја дадат сета потребна нега. Го вакцинирале и го исчистиле од глисти. Му купиле храна, куќичка за кучиња и ремен за да го носат на прошетки.
Но, тука не завршува убавата приказната за кучето Негао. Сабрина и нејзиниот партнер не само што го посвоиле кучето, туку и го вработиле во бензинската станица. Да, добро прочитавте! Тие се сопственици на станицата веќе 2 години, а кучето го вработиле како поздравувач на муштериите.
На почетокот, партнерите не знаеле како Негао ќе ја прифати неговата работна позиција, но набргу откриле дека тој има природно вроден талент.
„Негао чека да пристигнат луѓе и потоа потстанува за да им каже ,здраво’ и веднаш ги освојува нивните срца, со неговиот шарм. Муштериите просто, го обожуваат. Некои дури му носат и играчки на поклон“, објаснува Сабрина.
Негао е ѕвезда на бензинската станица, а сега е и заштитно лице од локалната бразилска добротворна организација „Grupo FERA“. Претставник на организацијата, изјавил дека е пресреќен што кучето има дом и работа:
„Оваа приказна е навистина сензационална и ги охрабрува луѓето да имаат поголема почит спрема животните. Воедно, вработените на бензинската станица, уживаат во друштвото на нивниот четириножен колега.“
Прочитајте и за ова куче со деформитет на лицето кое добило втора шанса со ново семејство.
