Претходно
Нумерологијата открива: Каква е енергијата во вашиот дом?
Секој број поседува одредена енергија што може да има позитивно или негативно влијание на нашиот живот. Истото важи и за бројот на куќата или станот каде што живеете. Па, што открива бројот на живеалиштето за станарите?
За да дознаете, најпрво мора да направите неколку пресметки. Ако живеете во куќа, ќе го земете предвид нејзиниот број, а ако живеете во зграда, ќе сметате со бројот на зградата и станот во којшто живеете. Сето тоа ќе го соберете и сведете на едноцифрен број. Добиениот број ќе го соберете со бројот на вашиот биоритам. Така ќе дознаете каква е енергијата во вашиот дом, какво влијание има на вас и како да ја зголемите позитивната енергија.
На пример:
Бројот на зградата е 47 = 4 + 7 = 11 = 2
Бројот на станот е 4 = 4 + 2 = 6
Биоритам = денот + месецот на раѓање
На пример, ако сте родени на 23.09, вашиот биоритам е: 2 + 3 + 9 = 14 = 5
На крајот ги собирате сите бројки: 6 (збирот од броевите на зградата и станот) + биоритам = 11 = 2 (енергијата на вашиот дом)
Пресметајте и потоа прочитајте нешто повеќе за енергијата во вашиот дом…
1 – Овој број означува индивидуалност и оригиналност. Во овој дом постојат се даваат нови идеи, се почнуваат проекти и се поставуваат нови предизвици. Но, бројот 1 носи помал успех во емоционалниот живот. Тој поттикнува осаменост и критичност во однос на другите. Единицата носи и неодлучност околу некои важни животни одлуки. Најдобро е да го уредите домот во тонови на златна, жолта или темно зелена боја, бидејќи тие ја зголемуваат позитивната енергија.
2 – Овој број симболизира промени. Во овој дом многу ретко е досадно и монотоно. Обично станува збор за едноставен дом, со блага неуредност и опуштеност. Двојката поттикнува на љубов, а станарите честопати работат од дома или работата ја носат дома. Ги интересираат области како технологија, патувања и алтернативна медицина. Понекогаш се случуваат брзоплети и погрешни потези, поради што мора да се почне од почеток. Почесто проветрувајте го домот, одржувајте ја светлината и фрлајте ги непотребните работи. Во овој дом се јавуваат чести проблеми со водата, како што е протекување на бојлерот во тоалетот.
3 – Жителите во овој дом се перфекционисти. Тие се љубезни и лојални пријатели, духовити и по малку екстравагантни. Имаат многу цврсти ставови кога станува збор за личната слобода и религија. Склони се кон непромислено трошење пари. Во овој дом добредојдени се сините тонови и дрвото. Мора да бидете разумни и практични.
4 – Ова е комплицирано место за живот. Четворката е симбол на конфликти каде што енергиите се борат за стабилност и промени. Бројот 4 носи чувствителност, духовност и помагање на блиските. Ова е место за издржливи луѓе со голема внатрешна сила. За нив, најважно е да си ги одредат приоритетите.
5 – Место на хармонија и емоции. Друштвеноста, смеата и комуникативноста се најизразени. Домашните се успешни во нивната работа. Тие можат да ги надминат сите препреки ако се фокусираат на приоритетите. Ова е дом каде што се случуваат некои ситни пропусти како што се губење на клучевите или заборавање да се исклучат куќните апарати. Металните предмети можат да ја намалат негативната енергија.
6 – Овој број симболизира одлучност и цврсти ставови. Или станува збор за дом на тишина и рамнотежа или пак за место со бучава и постојани промени. Бројот 6 ги извлекува емоциите од луѓето. Домашните се многу креативни и посветени на хобијата што ги релаксираат. За да ја зголемите позитивната енергија, во домот треба да преовладуваат жолти и зелени бои, а дневната соба да биде удобна.
7 – Број на сонување и фантазирање. Седмицата носи духовност, но и ранливост. На домашните понекогаш им е тешко да ја одвојат реалноста од фантазијата, па затоа имаат поинакви ставови од другите. Во овој дом највпечатлива е креативноста на луѓето. Тие исто така сакаат да чуваат домашни миленици.
8 – Симбол на почитта, силата и постојаноста. Овој број ќе им донесе углед, авторитет и слава на домашните. Тие се многу одговорни и сакаат да им угодат на луѓето. Осмицата носи и традиционални вредности, пријателство, љубов и работа.
9 – Симбол на големи поделби, различен темперамент на домашните и различни начини на размислување. Луѓето коишто живеат во овој дом се големи иницијатори, знаат што сакаат и се трудат да го добијат тоа. Тие се снаодливи и успешни во својата работа. Но, понекогаш доаѓа до повремена напнатост и збунетост помеѓу домашните.
Дознајте и што открива личниот број за вашиот карактер.
