Претходно
Никогаш не би погодиле од што е направен овој фустан
Датум: 03 мар 2013
Многу девојки мечтаат еден ден, кога ќе дојде моментот, да го облечат совршениот венчален фустан. Но, кога 6-годишната Хана Милингтон Деј го смислила дизајнот на овој фустан како од бајките, не помислила на негово носење, туку на јадење!
Малечката Хана дошла до идејата за овој сладок „фустан“ во реална големина, кога видела фотографија од нејзината мајка во нејзиниот невестински фустан. Од тука, работата за печењето на тортата ја презела нејзината мајка Дона, која е слаткарка по професија и ја има компанијата „Fairytale Cake Company“. За да ја подготви ѝ биле потребни 224 јајца, 12 кг брашно, 12 кг шеќер во прав и 12 кг путер, а потрошила цела седмица за да ја заврши.
Добиениот резултат е сладок фустан висок 180 см и направен од 17 пандишпани, 22 кила шеќерна глазура и стотици шеќерни бисери. Со оваа торта можат да се заблажат дури 2.000 гости.
Г-ѓа Милингтон Деј, која има 36 години вели: „Хана ги разгледуваше моите стари свадбени фотографии и тогаш ми предложи да го рекреираме мојот фустан. Мислев дека тоа е одлична идеја.“
Енормниот десерт беше презентиран на 1 март на најголемиот настан за свадби во Велика Британија „National Wedding Show“, во Бирмингам. Г-ѓа и г. Милингтон Деј не планираат да ја продаваат тортата, туку да ја стават на излогот во продавницата за слатки, но продажната цена би ѝ била околу 6.900 евра.
Па, ако имате толку пари и 2.000 гости на вашата свадба, бујрум во нивната слаткарница. Се прашуваме само, како ли невестата ќе исече парчиња од овој благ, прекрасен фустан? 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
prekrasna kreacija od torta
малата ја правела тортата…? чудно ми е….
Никаде не пишува дека малата ја правела тортата. 🙂 Мајка и е слаткарка, таа ја приготвила, а идејата била на ќерката.
Od pocetok ni davas do znaenje deka malata ja pravela… ne znaes da se izjasnis ubavo.
Citiram:
“Но, кога 6-годишната Хана Милингтон Деј го смислила дизајнот на овој фустан како од бајките, не помислила на негово носење, туку на јадење!”
Па да, од почеток давам до знаење дека идејата била на малата Хана, никаде не пишува дека таа ја правела тортата. Секако дека не може 6-годишно девојче да ја направи тортата :), а кој ја направил и како, е разјаснето во вториот пасус.