Претходно
Неверојатниот морски свет во Големиот корален гребен
Датум: 23 сеп 2011
Коментари: 0
Големиот корален гребен е најголемиот морски гребен во светот, познат по својата природна убавина, однадвор и однатре. Гребенот, кој претставува огромна атракција за туристите од сите делови на светот е едно од Седумте природни светски чуда. Тој е лоциран во Коралното море, на брегот во Квинсленд, во северно-источна Австралија.
Тој всушност претставува комбинација од над 2.900 посебни корални гребени и 900 острови, се протега на површина од 344.400 квадратни километри, а е долг над 2.900 километри. Тој е поголем од Кинескиот ѕид и може да се види од вселената. Гребенот е најголемата постоечка структура составена од живи организми. Се смета дека во него има 350-400 видови корали, милијарди малечки организми, познати како корални полипи и разнообразни други морски животинки.
Во 1975 година владата оформила тело кое се вика Морскиот парк на Големиот корален гребен (GBRMPA), кој оттогаш па наваму, го ограничува туризмот, риболовот и пловењето од страна на посетителите, сè со цел да се сочува и заштити гребенот. Други видови штета кои можат да му се случат на Големиот корален гребен се преливање на водата, побелување на коралите како резултат на климатските промени и цикличното труење на морските грабливци од страна на морските ѕвезди т.н. Круна од трње, кои шират отров.
Овој гребен е многу популарна дестинација за туристите, особено за оние кои доаѓаат од островите Витсандеј и градот Кернс. Туризмот е важна економска активност, од која земјата заработува 1 милијарда долари годишно.
Доколку сакате повеќе да се информирате за ова неверојатно чудо на природата, погледнете го видеото.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
