Претходно
Нашата омилена боја зборува за нашите потреби
Датум: 04 мај 2012
Коментари: 0
Автор: Алисија Колевска
Бојата која најмногу ја сакаме зборува за нашите најдлабоки, а често и несвесни потреби.
Црвена – Вашата потреба е да постигнете физичко исполнување и искусување на животот низ петте сетила.
Портокалова – Вие имате потреба да бидете во друштво на луѓе, да се социјализирате со нив и да бидете прифатени и почитувани како дел од групата. Исто така имате потреба од постојани предизвици во вашиот живот, било тоа да се физички или социјални.
Жолта – Имате потреба од логички ред во секојдневниот живот. Сакате да ја изразувате својата индивидуалност со користење на логиката, да давате нови идеи и да ги инспирирате другите.
Зелена – Вие имате потреба да сакате и да бидете сакани и да се чувствувате безбедно. Ви треба одобрување и благодарност од другите за секојдневните работи што ги правите за нив.
Сина – Вие сте во потрага по внатрешен мир, како и по вистината. Сакате да го живеете својот живот во согласност со вашите идеали и верувања, без да ја менувате вашата нефлексибилнa гледна точка на животот со цел да ги задоволите другите.
Индиго – Вашата најдлабока потреба е да се чувствувате поврзани и во хармонија со универзумот и да бидете прифатени од другите како свесно и интуитивно духовно битие.
Виолетова – Имате потреба од емоционална сигурност и создавање на ред и совршенство во сите области на вашиот живот, вклучувајќи го и духовниот. Исто така имате длабока потреба да иницирате и да учествувате во хуманитарни проекти и да им помагате на другите во неволја.
Розова – Вашата најдлабока потреба е да бидете прифатени и сакани безусловно.
Тиркизна – Вашата потреба е да создадете емоционална рамнотежа во вашиот живот, да можете да ги изразите своите надежи и соништа, без разлика колку се идеалистички и да успеете во животот на свој начин, според сопствените услови.
Магента – Вие не сте конформист и гледате на животот од поинаква гледна точка.
Кафеава – Вашата најдлабока потреба е за сигурно, безбедно, едноставно и удобно постоење со поддршка на семејството и пријателите.
Црна – Вашата потреба е да имате моќ и контрола со цел да ја заштитите вашата емоционална несигурност.
Бела – Вашите потреба е да се создаде едноставност во вашиот живот и да се бидете независни и самобитни, така што нема да зависите од некој друг.
Сива – Вие сте мирни, сталожени и имате тенденција да се прилагодувате на другите само за да го зачувате мирот.
Сребрена – Вие сте инспиративни и проникливи и имате потреба од духовно исполнување во вашиот живот.
Златна – Зрачите со харизма и индивидуалност. Оставате печат. Сакате луѓето околу вас да се чувствуваат опутено и вредно.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
