Претходно
Направете сами: Симпатични, весели и шарени шноли со цветови!
Дали сакате весели и симпатични детали? Доколку вашиот одговор е потврден, тогаш ќе уживате во веста дека нив не мора секогаш да ги купувате, туку можете да ги направите и самите. Во продолжение дознајте како можете да направите преслатки, цветни шноли за коса. Тие прекрасно ќе ја украсат вашата коса и ќе ја разубават секоја ваша фризура.
Потребни материјали:
- Филц материјал во разни бои (можете да го пронајдете во текстилните продавници)
- Шноли
- Ножици
- Супер лепак
- Конец и игла
Изработка:
1. Најпрво, исечете најразлични облици од материјалот. Тоа може да бидат кругови, квадратчиња и листови. Најважно е еден дел да биде овален, бидејќи на него ќе ги лепите деловите.
2. Провлечете го конецот со помош на иглата низ четирите дела кои сте ги одредиле да бидат ливчиња на цветот, исто како на фотографијата.
3. Потоа, затегнете го конецот за да се оформи цветот.
4. Соберете ги сите парчиња, односно, деловите на цветот и залепете ги на овалното парче, кое претходно го исековте. Најдобро би било да ги лепите по логичен редослед, односно, листовите, па ливчињата и на крајот средината на цветот.
5. Потоа, нанесете лепак на шнолата и залепете го цветот. Како што забележувате, поедноставно од ова не може да биде.
Шнолите изгледаат доста весело и по малку во хавајски стил.
