Претходно
Направете сами: Разнобојна и уникатна шолја за вашето утринско кафе
Доколку ви здосадија обичните бели шолји за кафе и сакате да внесете малку уникатност во пиењето на вашето утринско кафе, тогаш дефинитивно би требало да го погледнете овој едноставен туторијал. Сè што ви е потребно е: керамичка шолја, лак за нокти, топла вода, чепкалка за заби и доволно длабок пластичен сад во кој ќе може да ја собере целата шолја.
Прво наполнете го садот со топла вода, а потоа сипете неколку капки лак во него. Откако ќе го сторите тоа, мора да бидете брзи бидејќи лакот ќе почне да се суши. Со помош на чепкалката за заби измешајте ги боите во водата и креирајте некоја интересна форма. Потоа земете ја шолјата и нежно потопете ја во водата. Држете ја така неколку секунди и веднаш повлечете ја надвор. Резултатот е магичен. Погледнете!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
