Претходно
Најубавите новогодишни елки ширум светот
Датум: 31 дек 2014
Коментари: 0
Новогодишните елки имаат долга и богата традиција, но како што минува времето, луѓето наоѓаат сè понови и покреативни начини да го претстават значењето на божиќното дрво. Во модерно време ни се чини дека забораваме што всушност означува елката и луѓето просто се натпреваруваат кој ќе ја накити подобро, побогато, пооригинално.
Но, што ако светски најпознатите градови и места влезат во трката за најубава елка? Тогаш станува збор за голема конкуренција. Ова се дел до најубавите елки ширум светот кои ќе направат да ја гледате вашата елка дома со сосем поинакви очи.
1. Рио де Жанеиро, Бразил
Оваа новогодишна елка во вториот по големина град во Бразил плови над каналот Родриго џе Фреитас. На сликата се прикажани огнометите од неговото прво претставување на јавноста, но да бидеме искрени и без огнометите изгледа величествено. Секоја година оваа елка симболизира различни нешта, а оваа година беа одбрани сонцето, месечината и ѕвездите како симболи за светлината во животот на луѓето.
2. Рокфелер центарот во Њујорк
Уште од 1933, секоја година на Рокфелер во Њујорк се поставуваат величествени новогодишни елки. Околу 45.000 светилки го осветлуваат ова дрво на официјалната церемонија на неговото поставување секоја година, придружено со концерт во живо.
3. Плоштадот Трафалгар во Лондон
Секоја година плоштадот Трафалгар во Лондон добива божиќно дрво како подарок од Норвешка. Ова е знак на благодарност за помошта на Англија за време на Втората светска војна. Повеќето од подарените дрва се стари преку 60 години, што значи дека растеле за време на Втората светска војна.
4. Галери Лафајет, Париз, Франција
Во луксузната стоковна куќа во Париз, секоја година се поставува масивна елка која личи како огромно чудовиште кое го запоседнало местото. Оваа година за декорацијата на елката се погрижил американскиот уметник Пол Мекарти, кој бил критикуван бидејќи дрвото изгледало како секс-играчка. Елката подоцна била уништена од вандали.
5. Бранденбуршка порта, Берлин, Германија
Постои голема иронија во поставувањето на ова прекрасно новогодишно дрво пред познатата Бранденбуршка порта во Берлин. Иако божиќното дрво е симбол на добрината кон луѓето, Бранденбуршката порта во Берлин некогаш била користена за разни церемонии на нацистите.
6. Божиќната елка од лего коцки во Лондон, Англија
Оваа интересна елка е поставена на познатата железничка станица Свети Панкрас во Лондон. Кога ќе помислите да се пожалите што ќе мора да ги спакувате сите украси од вашата елка на крајот на сезоната, само помислете како им е на оние кои ја склопувале, а треба и да ја расклопат оваа елка.
7. Плоштадот Св. Петар во Ватикан
Божиќ е свет празник, а тоа секако мора да се почувствува во Ватикан. Со таа цел, плоштадот Св. Петар го краси масивно осветлено божиќно дрво, подарок од германската држава Баварија.
8. Монте Ингино, Губио, Италија
Планината Ингино над градот Губио ја осветлува не едно, туку повеќе дрва кои заедно даваат форма на голема новогодишна елка. Импресивно, нели? Но, тоа не е сè. Командата за осветлување на оваа елка ја дава папата и тоа со помош на таблет. Што да се прави кога технологијата напреднала толку.
9. Божиќното дрво во Вашингтон, САД
Замислете само како му е на претседателот на САД. Покрај сите стресни обврски, треба да се грижи и за големото новогодишно дрво во Вашингтон. Уште од времето на Френклин Рузвелт, претседателот на САД е главен во церемонијата на официјалното претставување на дрвото секоја година.
10. Кор Делејн, Ајдахо, САД
Ова дрво покрај реката Кор Делејн не е центар на внимание само за време на новогодишните и божиќните празници, туку преку целата година. Станува збор за огромно дрво кое се декорира за време на празниците.
11. Федеративниот плоштад, Мелбурн, Австралија
Божиќ во Австралија е малку поразличен… или многу. Температурата во ова време од годината може да достигне дури до 40˚C, па проценете сами. Но, ова не е пречка за прекрасното божиќно дрво да се издигне на плоштадот, збунувајќи ги децата кои гледаат симбол на снежен Божиќ кога надвор сè се топи од жештината.
12. Пуерта де Сол, Мадрид, Шпанија
Иако можеби не ви изгледа така, божиќното дрво во Мадрид не е вистинско дрво туку скулптура направена од метал и стакло.
13. Плоштадот Сиам, Бангкок, Тајланд
Иако луѓето од Тајланд не доживуваат снежен Божиќ, имаат огромно божиќно дрво на влезот на познатиот трговски центар Central World.
14. Плоштадот Комерцио, Лисабон, Португалија
Оваа елка е најголемата во Европа. Нејзината висина може да варира зависно од дозволената граница, а цврсто се потпира на метал. Импресивно, нели?
15. Божиќното дрво во Мурано, Италија
Уште од 1291, Мурано е познат како центар за изработување на најфиното стакло. Правењето новогодишна елка од она по што овој дел од Италија е најпознат е одлична идеја.
16. Emirates PalaceHotel, Абу Даби
Луксузниот хотел со 7 ѕвезди на Емиратите е достоен за ваква елка. Ако некој се обиде да украде макар дел од украсите на оваа елка ќе се соочи со затворска казна. Дрвото е декорирано со скапоцени украси вредни над 11 милиони долари.
17. Божиќниот пазар во Дортмунд, Германија
Оваа елка е всушност направена од 1.700 мали борчиња кои се издигнуваат околу 45 метри во висина.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
