Најромантични филмски сцени на сите времиња

Расположени сте за малку романтика? Сакате да поминете ноќ со самите себе и на раат да ги полните марамчињата со солзи, додека истовремено правите гримаси пред телевизорот кои не се за пред други луѓе. Погледнете ги најромантичните сцени на сите времиња од кои срцето ќе ви затрепери, очите ќе ви се навлажнат, а душата ќе ви се исполни:

Titanic

Незаборавната сцена кога Роуз и Џек се прегрнати на клунот на бродот Титаник е историска и вонвременска. Ако ништо друго, песната на Селин Дион „My heart will go on“ ќе биде вечна инспирација за сочни бакнежи и топли прегратки. Убавината во оваа сцена е страсниот бакнеж помеѓу главните ликови, а сето тоа е уште поромантично кога ќе земеме предвид дека нивната љубов траеше многу кратко.

When Harry met Sally

Дали тие некогаш ќе сфатат дека се еден за друг? Кога Хари конечно ќе ѝ изјави љубов на Сали (во вид на омаловажувачки говор, во кој меѓу другото ѝ кажува дека има брчки над нејзиниот нос), неговата лудост и симпатичност ќе направат цинизамот и неромантичноста кај гледачот да исчезнат.

Romeo and Juliet

Можеби никогаш не сте помислите дека аквариумот би можел да биде романтичен, но за Ромео и Јулија, љубовната двојка осудена на пропаст, тука беше првата и најромантична средба која им се случила. Дали е романтичноста на филмот во саундтракот „Kissing you“ или во неодоливата насмевка на Леонардо Дикаприо, останува на вас да одлучите.

The Notebook

Од моментот кога Ноа ќе се качи на панорамата за да ја покани Али да излезат, со цел да ѝ го привлече нејзиното внимание, па сè до моментите кога двајцата ликови ја осознаваат силата на нивната голема љубов во поодминатите години, ова е филм кој изобилува со љубов и романтика. Иако е навистина тешко да се избере само една сцена од овој прекрасен филм, сепак моментот кога Ноа ѝ вели на Али „Ако си ти птица и јас сум птица“ е еден од најромантичните, помеѓу многуте.

Moulin Rouge

Гламурозната куртизана Сатин никогаш не ни замислуваше дека нејзиното срце може да му припадне на сиромашен поет од долната класа, сè до моментот кога Кристијан ќе ја освои со најромантичната песна некогаш напишана. Додадете ги музиката на Елтон Џон и U2, огнометот и небото во Париз и имате загарантирана романтика.

Casablanca

Ова е една од најубавите срцекршачки љубовни приказни досега, помеѓу Ингрид Бергман и Хемфри Богарт кога ќе се сретнат во Казабланка после многу години од нивната разделба.

Love Actually

Ако за миг заборавиме на моралноста во овој филм (таа е тазе мажена, а тој е најдобар пријател на нејзиниот маж), најромантичната сцена без двоумење е кога Марк ќе ѝ ја покаже на Јулија љубовта која ја чувствува кон неа, презентирајќи ѝ постери со текстуални пораки пред вратата од нејзината куќа, една снежна вечер, иако и двајцата знаат дека нема да бидат заедно.

Breakfast at Tiffany’s

Кој го гледал овој филм сигурно се сеќава на најромантичната сцена од него, кога прекрасното дуо Одри Хепберн и  Џорџ Пепард ќе се прикрадат од продавницата за играчки, носејќи исти маски на себе и во тој момент двајцата ќе се изнасмеат. Тогаш секоја девојка би помислила: „Тој е тој магичен момент“.

10 Things I Hate About You

Гледајќи го „лошото“ момче Хит Леџер како ја пее песната „Can’t Take My Eyes Off of You“ може да го стопи секое женско срце. Уште кога Леџер тоа го прави пред училиште, мудро избегнувајќи го обезбедувањето, сцената станува уште послатка.

An officer and a gentleman

Ова е една од приказните кога принцот доаѓа на белиот коњ. Кога Риџард Гир ќе се појави во бела униформа, ќе ја земе Дебра Вингер во прегратките и ќе ја изнесе надвор од фабриката каде што таа работи, веднаш ќе се сетите на прекрасните љубовни бајки во кои некогаш сте верувале како мали.

Shakespeare in Love

Иако Вилијам не може да биде со Виола, во која е многу заљубен, тој ѝ ја посветува претставата на неа со зборовите: „За онаа која е моја хероина, цело ова време и нејзиното име ќе биде… Виола“.

A Walk to Remember

Ландон знае дека Џејми е болна од леукемија и сака да ѝ ги исполни сите желби кои ги има напишано таа на нејзината листа: тетоважи, преминување граници и најголемата – да се омажи во црквата во која тоа го направила нејзината мајка.

Juno

Иако тие никогаш не беа официјално заедно, Џуно сфаќа дека е заљубена во таткото на нејзиното бебе, Поли Бликер и тоа додека сè уште е бремена. Гестот со кој таа ја покажува љубовта спрема него е личен, сладок и шарен: Џуно му го полни поштенското сандаче на Бликер со неговите омилени тик-так портокалови бомбони.

Која е според вас најубавата филмска сцена на сите времиња?

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм