Претходно
Најлошите типови луѓе од кои треба да се држите понастрана
Никој не е совршен, ама постојат луѓе кои дефинитивно се најлоши и со кои не сакате да си имате работа. Секојдневните обични ситуации можат да покажат кој каков човек е. Таквите луѓе лесно е да се препознаат, но тешко е со нив да останете рамнодушни и да не се изнервирате. Ова се неколку примери…
Луѓе кои се туркаат на врата да влезат во автобус, а патниците уште немаат излезено
Секако дека сите сакаат да седнат во автобус, но мора да признаете дека сте се изнервирале милион пати поради луѓе кои не се способни да почекаат 10 секунди за да излезат патниците од автобусот. Многу е лесно да се препознаат овие луѓе. Кога автобусот ќе застане на постојката, тие стојат точно пред вратата и се туркаат да влезат по секоја цена. Не сте помеѓу нив? Одиме понатаму.
Возачи кои бесно им свират на возачите на обука
Сите луѓе во еден момент биле почетници во нешто и затоа не е јасно како искусните возачи не сочувствуваат со возачите почетници. Потребно е да се покаже барем малку толеранција и емпатија.
Луѓе кои слушаат музика од мобилниот телефон во автобус
Ах, тој градски превоз. Доколку конечно успеавте да влезете и да седнете, тогаш најверојатно ќе ве дочека некој кој нема слушалки, но затоа има мобилен од кој вришти некој хит, не е важно од кој вид. Тоа е некултурно, како и гласното зборување на телефон во автобус. Не мора сите да знаеме што ќе има некој за ручек.
Луѓе кои одат преку ред
Ова е дефинитивно најлошото чувство. Трпеливо го чекате вашиот ред, се подготвувате и потоа некој просто си застанува пред вас како да не постоите. Постојат две опции: Едната е ситуацијата да помине мирно и да продолжите со чекање, и секако онаа другата која ќе биде непријатна за сите.
Луѓе кои ги користат своите деца за побрзо да ги завршат обврските
Сигурно барем еднаш сте се запрашале дали е возможно ама баш никој да не можел да го чува детето дома – баба, дедо, сосетка, роднина… Кој било! Имено, се работи за луѓе кои ги користат нивните мали деца за да поминат преку ред и да ги завршат нивните обврски побрзо и полесно.
Луѓе кои не велат „благодарам“ кога ќе им ја отворите или придржите вратата
Мора да постои посебен круг од пеколот за овие луѓе. Основно правило на бонтонот е да се каже „Благодарам“!
Некултурни луѓе во кино
Гласно смеење, шушкање со кесата чипс, коментирање на она што се случува на големото платно… Листата е предолга! Некултурата се покажува најчесто на јавни места, а киното е одлично место за да покажете колку сте невоспитани.
Луѓе кои постојано се жалат од другите луѓе
Никој не е совршен, престанете да се жалите. Тоа е напорно и за вас и за луѓето околу вас.
Луѓе кои мислат дека се над сите
Ова е убедливо најлошиот тип луѓе. Тие мислат дека другите не им се ни до колена, а всушност ниту самите не се свесни за нивното незнаење и заблуда. Љубомората ги уништува. Од нив дефинитивно треба да се држите подалеку!
