Претходно
Најголемата зграда во светот
Датум: 09 јул 2013
Коментари: 0
Пред кусо време во Кина се отвори најголемата зграда во светот. Центарот „New Century Global“ се наоѓа во градот Ченгду и е распослан на 1,7 милиони метри квадратни. Зградата е долга 500, широка 400 и висока 100 метри. Верувале или не, но таа била целосно изградена за само три години.
Во неа има два хотели, голем број канцеларии, кино, аква парк со вистинска плажа, музеј, изложбени сали, театар и нормално – многу продавници.
Центарот е изграден според последните достигнувања во полето на високата технологија. Во него има вградено вештачко сонце кое ја загрева и осветлува внатрешноста на зградата, а плажата во аква паркот е долга 400 метри и оние кои ја посетуваат можат да уживаат во вистински морски ветер. 
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
