Претходно
Најголемата затворена плажа во светот
Вештачките плажи почнуваат да стануваат вистински хит во светот. На ваква плажа можеме да наидеме во Монако, Хонг Конг, Париз, Берлин, Ротердам, Торонто и на многу други места, но сепак најголемата, а можеби и најубавата се наоѓа во Мијазаки, Јапонија.
„Seagaia Ocean Dome“ е вештачки затворена плажа долга 300, а широка 100 метри. Во неа има направено вулкан, плажа од вештачки песок на која има и вештачки палми, а за дождливите денови направен е најголемиот покрив на затворање, кој обезбедува сино ведро небо во секое време. Температурата на воздухот е постојано регулирана околу 30 степени Целзиусови, додека температурата на водата се движи околу 28 степени Целзиусови. Вулканот се активира на секои 15 минути и испушта огнени пламени на секој час, кога во океанот се прават огромни бранови за големо задоволство на сурферите.
Оваа плажа може да пречека 10.000 туристи одеднаш, а интересното е тоа што вистинската плажа се наоѓа на само 300 метри од овој објект. Официјално е отворена во 1993 година, а најмногу посетители се забележани во 1995 година кога се избројани 1.25 милиони луѓе. Билет за возрасен чини околу 30 американски долари, додека за деца приближно 20.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
predivno!