Претходно
Најдобриот комплимент на кој ниту една дама нема да остане рамнодушна
Не постои ниту една жена што ќе остане целосно рамнодушна на убав збор, а такви зборови, верувале или не, има премногу. Но, кога станува збор за идеалната пофалба, онаа што секоја жена би сакала да ја слушне е токму онаа што најмалку се кажува. Можете да погодите за што станува збор?
Магичните зборови што можат да ја стопат секоја жена се: „Си се подмладила!“ Едно неодамнешно британско истражување покажало дека дури 60% од испитаните жени сакаат да чујат дека изгледаат помладо – а токму тоа е комплиментот што има најголемо влијание на нивната самодоверба. Ова го докажува и фактот што повеќе од 62% од испитаните жени тврдат дека активно работат на забавување на процесот на стареење користејќи разни препарати.
Истото истражување покажало и дека стареењето најмногу ги плаши жените, како и дека е најголемиот причинител за појава на стрес. Ова особено е изразено кај оние пред и околу 40-тите години. Тоа што не било очекувано е откритието дека најголема самодоверба имаат жените околу 55-тата година.
Имајќи го сè ова на ум, важно е да ве потсетиме дека младоста се чувствува во вашиот дух, па сè додека сте весели, насмеани и подготвени за забава, вие ќе бидете млади без разлика на годините!
Погледнете и други комплименти што секоја жена би сакала да ги чуе повеќе од „убава си“!
