Претходно
Најчудните знамиња кои постојат ширум светот
Ширум светот постојат некои земји кои имаат навистина чудни знамиња. Токму затоа и во продолжение ви прикажуваме некои такви необични знамиња, а притоа можете да дознаете и некои интересни информации за нивното значење.
Мозамбик
Кога станува збор за националните знамиња со оружје, ниту едно не може да се спореди со знамето на Мозамбик. Ова знаме го краси пушка која ја симболизира одбраната и будноста, отворената книга е симбол на важноста на образованието, а мотиката го претставува земјоделството во таа земја.
Бутан
Општо познато е дека змејот е важен симбол на многу азиски земји, но Бутан е првата земја која го ставила на националното знаме. Митското суштество прикажано на ова знаме е Друк, легендарен бутански змеј. Жолтата боја ја означува граѓанската традиција на таа земја, додека пак портокаловата го претставува будистичкиот спиритуализам.
Киргистан
Кругот кој се наоѓа во средината на знамето всушност е сонце со три краци кои ја симболизираат киргистанската јурта, вид шатори во кои живеат номадските племиња во Азија. Четириесетте сончеви зраци кои се наоѓаат околу сонцето ги претставуваат четириесетте киргистански племиња кои, според народното верување, епскиот јунак Манас ги соединил за да се борат против Монголците.
Белизе
Додека повеќето знамиња содржат умерена количина симболи, знамето на државата Белизе е доста сложено. На централниот дел се наоѓа дрвосечач и црнец кои држат алат за сечење, опкружени со листови од махагон, што се однесува на дрвната индустрија која е голем индустриски сектор во оваа земја.
Непал
Знамето во Непал е единствено во светот по тоа што не е во правоаголна форма. Тоа всушност претставува поедноставена верзија на две одвоени знамиња, со сонце и полумесечина. До 1962 година овие симболи имале човечки лик, но биле оттргнати за знамето да се модернизира.
Преминете на наредната страница за да видите уште интересни и невообичаени знамиња.
