Претходно
Мистериозни споменици низ светот
Античкиот свет сè уште ги мачи денешните археолози. Истражувајќи низ остатоците од некогашните градови, тие се обидуваат да ги разјаснат мистериите на веќе исчезнати цивилизации, стари илјадници години. Еве една листа од неколку мистериозни споменици ширум светот.
.
-
Велигденскиот остров
Изолиран далеку на Пацификот, осторовот претставува пустелија на која не можете да најдете ниту едно дрво или грмушка. Затоа пак, можете да најдете огромни монолитни статуи од камен, во човечки облик чија тежина може да достигне и до 86 тони.
Има околу 1000 камени моаи со висина од 5 до 20 метри, за кои и ден денеска не може да се разјасни кој и на каков начин ги изградил и со каква цел.
.
-
Теотихуакан
Се верува дека Теотихуакан во 600-тата година пред нашата ера бил еден од најголемите градови во Јужна Америка со повеќе од 200 000 жители. Низ централниот дел од градот има огромен булевар, познат како „Авенијата на Смртта“.
Булеварот во должина се протега на 2, 5 километри и е опколен со големи платформи, изрезбани ѕидови, мали пропаднати плоштади и две огромни пирамиди. До денеска не се знае кој го изградил овој град.
Ацтеките кои живееле низ урнатините на градот никогаш не ги дознале неговите креатори, иако ги обожавале поради нивните вештини (На Ацтеките, зборот „Теотихуакан“ им значел „местото каде што мажите станаа богови“).
.
-
Јонагуни
„Јонагуни“ е откриен од една група нуркачи во 1987 година. Тој се наоѓа покрај брегот на островите Риуку и претставува голема колекција на камени структури за кои некои претпоставуваат дека се потонати остатоци од античката цивилизација.
Јапонскиот геолог Масаки Кимура, кој го проучува споменикот веќе 15 години, тврди дека порано тука имало голем стадион, 5 храма и замок. Скептиците пак, тврдат дека оваа камена структура сосема случајно наликува на остатоци од антички град.
Песочниот камен често се крши во прави линии, особено во зони на чести земјотреси. Јапонската влада досега не покажала некој особен интерес за споменикот, па така 23 години од неговото откривање сè уште нема пратено официјална експертска експедиција.
За 1000 години луѓето ќе се прашуваат кој будала направил скулптури од лавови без тестиси 🙂 — (мост Гоце Делчев)
Јас незнам зошто вашите Моаи се ставени во овој пост. Тие „моаи“ тоа се првите монолитни градби наречени МЕНХИРИ кои потекнуваат од раниот неолит, подоцна на тие камења им даваат човечки форми кои биле всушност надгробни плочи