Претходно
Масовна тепачка со перници
Илјадници млади луѓе се собраа пред Бранденбуршката порта во Берлин во неделата напладне, со цел да го соборат рекордот за најмасовна тепачка со перници. Акцијата започнала наеднаш околу 16 часот, а во неа учествувале туристи, случајни минувачи, па дури и полицајци кои биле изненадени од бурата од пердуви.
.
„Ова е комплетен хаос, многу ми се допаѓа!“ – објаснува Тајчи Нагаи, посетител од Јапонија, која случајно влетала во оваа акција.
Овој настан бил организиран за да се сруши рекордот за најголемата тепачка со перници во историјата, кој дотогаш го држеше група од 3.707 учесници, поставен во Сомерсет, Англија во 2008 година. Засега нема официјални бројки за тоа колку луѓе учествуваа во неделата во Берлин, но на настанот креиран од организаторите на Фејсбук, присуството го потврдиле повеќе од 12.000 луѓе.
Настанот брзо започнал, но и брзо завршил. Повеќето учесници биле на возраст под 30 години, а местото на случувањето го напуштиле по еден час, оставајќи бела прекривка од пердуви насекаде околу портата.
