Претходно
Луксузно крстарење по Амазон
Автор: Моника Трајковска
Луксузниот брод-хотел „Aква“ од компанијата „Aqua Expeditions“ плови низ најмагичните предели на Амазон. Бродот е дизајниран од перуанскиот архитект Џорди Пуиг и моментално е единствениот луксузен брод кој плови по Амазон. На него се наоѓаат 12 апартмани од по 24 квадратни метри, кои имаат панорамски поглед благодарение на огромните прозорци. Интимната атмосфера во хотелот со 5 ѕвездички ја надополнува убавината на шумите во кои преовладува неверојатен див животински свет.
На ова крстарење може да се отиде во кој било период од годината, а доживувањето секој пат е уникатно поради сезоните кои се менуваат. За време на дождовната сезона, се покачува нивото на реката и бродот може да плови подлабоко во шумите. Додека пак, за време на сушната сезона, реката се повлекува и се формираат прекрасни песочни плажи.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
