Претходно
Кој пијалак е најдобар за хидратација на организмот? Не, не е водата!
Иако водата се смета за најздрав и во исто време најдобар напиток за хидратација, научниците докажале дека сепак постои напиток кој повеќе го хидрира телото отколку водата.
Истражувањето спроведено од страна на шкотски универзитет дошло до заклучок дека обичната и минералната вода се добар избор, но според новите наоди млекото е уште подобар.
Според Роналд Моган, професор на Медицинскиот факултет Сент Ендрјус и автор на студијата, еден од факторите е количината на одреден пијалак како и неговиот нутритивен состав.
Истражувањето докажало дека млекото хидрира повеќе од обичната вода бидејќи содржи лактоза, протеини и масти, а овој состав помага да се забави празнењето на течноста од желудникот. Покрај тоа, млекото содржи и натриум, што доведува до помало производство на урина.
Истото може да се каже и за растворите за орална хидратација што се користат за лекување дијареја. Тие содржат мали количини на шеќер, како и натриум и калиум, кои исто така можат да помогнат во процесот на задржување на водата во телото.
Откако прочитавте за резултатите од најновите истражувања, можеби ќе сакате да прочитате и која храна содржи повеќе калциум од млекото.
Извор: cnn.com
