Претходно
Каков газда, такво домашно милениче: Особините што вашето куче ги презема од вас
Познато е дека тоа што ни се наметнува во детството го дефинира нашето однесување во иднината кога ќе пораснеме. Истото важи и за кучињата. Ако вашето домашно милениче на почетокот било многу активно, а потоа забележувате дека почнало повеќе да се излежува на каучот или дека легнува покрај вас да одмара, тоа е знак дека ги поприма вашите особини и навики. Еве за кои особини станува збор…
Екстровертен и интровертен сопственик
Екстровертните личности се многу отворени кон другите луѓе и кучиња, покажуваат резултатите на истражувањата. Токму оваа отвореност ги прави и нивните кучиња екстровертни. Истото важи и за песимистичните, страшливите и интровертни луѓе – тие чуваат кучиња кои наследиле слични особини од нив. Дури и најмилите и најнежните животни, познати по своето мирно однесување, ако поминуваат многу време со исплашен сопственик, и самите стануваат нервозни.
Опуштен и агресивен сопственик
При обликувањето на однесувањето, важна улога игра тренингот во раната доба, кога домашниот миленик е мало кутре. Додека го воспитувате, тоа усвојува најразлични карактерни особини. Ако сопственикот во текот на тренингот е опуштен и расположен, кучето исто така ќе биде опуштено. Од друга страна пак, ако сопственикот е постојано на штрек и под стрес, и кучето ќе почне да покажува агресија.
Какво е вашето куче? И колку вие сте влијаеле на развивањето на неговиот карактер?
Погледнете ги и овие слатки илустрации што прикажуваат како изгледа животот со куче.
