Претходно
Изненадувачки факт: Кое е највалканото место во тоалетот?
Познато е дека бактериите обожаваат да се собираат во тоалетот, но местото каде што ги има најмногу не е она кое прво би ни паднало на памет, односно не се работи за тоалетната шолја. Омиленото место за собирање на бактериите е една друга површина која при чистењето на тоалетот неретко се занемарува.
Највалканото место во тоалетот е подот. Веднаш откако е исчистен на него може да се соберат околу 1.000 бактерии, по четири на центиметар, а еден час подоцна може да има дури и милион.
Подот не само што е најголемата површина во тоалетот, туку и неретко се занемарува при чистењето. Со оглед на тоа колку нечистотија носиме од надвор и се собира на него, како и влакна од косата, мокри пешкири, теписи и останати козметички производи, не е ни чудно што подот на тоалетот е толку популарно место за размножување на бактерии.
Една од најчестите бактерии на подот во тоалетот се стафилококите, кои можат да завршат на нашата кожа и бактеријата колиформ која се наоѓа во нашите црева. Исто така се наоѓа и бактеријата Ешерихија коли која може да предизвика грчеви и дијареја.
Како најефикасно да го исчистите подот во тоалетот?
Најмалку еднаш неделно темелно исчистете го подот. Доволно е на еден леген со вода да додадете едно до две капачиња средство за чистење. Барем еднаш годишно чистете го подот со интензивно триење.
Најдобар избор за чистење на подот е чистачот на пареа особено ако имате мали деца бидејќи за овој чистач не се потребни дополнителни средства за чистење.
