Претходно
Интелигентно куче користи лисја како платежно средство
Секој барем еднаш во животот слушнал дека „парите не растат на дрво“. Но ова изгледа не важи за едно кученце. Паметното куче по име Негро успеало да си обезбеди храна плаќајќи ја со лисја.
Негро живее во Техничкиот институт за едукација во Колумбија. Тој бил посвоен од вработените и слободно се шета низ училишниот двор. Понекогаш учениците му купуваат храна од локалната продавница, но еден ден тој одлучил дека е време сам да се грижи за себе.
По внимателно набљудување на учениците кои купувале храна, кучето направило нешто неверојатно.
„Еден ден тој се појави со лист во неговата уста. Весело ја мавташе опашката и ни даде до знаење дека сака колаче“, изјавила една од учителките.
Кучето го понудило листот како платежно средство во продавницата. Продавачката била воодушевена и не можела да го одбие.
„Секој ден доаѓа за колачиња. Секогаш плаќа со лист“, изјавила продавачката.
Бидејќи неговите „пари“ буквално растат на дрво, од продавницата му дозволуваат да „купува“ само неколку пати дневно. Негро ги оставил сите без збор.
„Кога прв пат ќе го видите, ќе сакате да заплачете. Најде начин како да го разбереме. Навистина е многу интелигентен.“
Дознајте и зошто вашето куче е многу попаметно отколку што мислите.
