Претходно
Игра на неделата: Guitar Hero II
Некои велат дека оваа е една од игрите кои го променија светот. Секако, не станува збор токму за оваа која што моментално ќе ја играте, туку за онаа оригинално направената за „Sony Playstation“ и „Nintendo Wii“. Игра со која се забавуваат од најмладо до најстаро… Зошто е тоа така? Пробајте ја оваа промотивна флеш игра, која иако можете да ја играте само на една песна, сепак делува многу интересно. Можеби ќе ве инспирира да си ја купите целосната верзија.
Од десната страна на екранот ќе ви се појави врат од гитара, на кој ќе проаѓаат „тонови“, а вие ќе треба со помош на копчињата „G“,„H“,„J“ и „K“ да ги погодите во точно време. Доколку направите успешна низа од повеќе погодени тонови, вашиот резултат ќе се дуплира за еднаш или неколку пати, сè дури не направите грешка.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
