Претходно
Хотел со 5 ѕвезди во Швајцарија веќе не мора да се рекламира благодарение на Инстаграм
Овој хотел во швајцарското предградие станал толку популарен на Инстаграм, што веќе нема потреба да плаќа за рекламирање. Благодарение на популарноста на неговиот бесконечен базен на Инстаграм, хотелот „Villa Honegg“ нема платено за реклама уште од 2011 година.
„Социјалните мрежи се нашиот маркетинг. Немаме платено реклама на ниеден медиум, откако го реновиравме хотелот, во 2011 година“, вели генералниот менаџер, Себастијан Клинк.
Според Клинк, хотелот првпат експлодирал од популарност на социјалните мрежи, кога блогерка од Бразил, објавила видео на Јутјуб од базенот во вечерно издание и тоа станало вирално.
„Во моментот кога ова видео беше објавено онлајн, почнаа да ни пристигаат имејл пораки од целиот свет“, објаснува Клинк
Тој вели дека нивниот спа-центар отсекогаш бил популарен, но ова видео поттикнало прилив на гости од Австралија, САД и Кореа. Голем број од нашите посетители доаѓаат да престојат само една вечер, бидејќи како што тие велат „навистина сè што сакаат, е да направат една фотографија со базенот“, додава тој.
Во продолжение, погледнете ги фотографиите од овој планински хотел и неговиот популарен бесконечен базен, кој очигледно бил полн погодок.
„Вила Хонег“ е хотел со 5 ѕвезди, а во него има 23 соби. Лоциран е во општината Енетбурген, во кантонот Нидвалден, во Швајцарија
Сместен е на висока надморска височина, на планината Бургеншток
Посетителите се пречекани покрај пријатен камин и топли тонови на бои, во лобито
Цената за престој од една вечер, започнува од 500 долари за апартман во одвоеното крило, коешто е поврзано со главниот хотел, преку подземна гаража
Апартманот во крилото доаѓа со дупли кревет, како и додатен кауч на спуштање во дневниот простор
Гостите имаат пристап до бесплатен Интернет, машина за кафе од Неспресо и „а ла карте“ појадок
Следното ниво се состои од „класичните соби“ во главниот хотел, чиишто цени започнуваат од 600 долари по ноќевање
Во нив има кралски кревети, продукти за лична хигиена од луксузниот бренд „Hermès“, како и балкон
Апартманите започнуваат од 905 долари по ноќевање…
И во нив има или балкон со поглед кон планините или тераса со поглед кон езерото
Цената за ноќевање во мастер апартманите, започнува од 2.460 долари
Продолжува на следната страница…
