Претходно
Градови со најчист воздух во светот: Најздравите луѓе живеат овде
Додека во последниот период кај нас постојано се зборува за големото загадување на воздухот, во некои делови на светот воздухот е толку чист што се смета за вистински мелем за белите дробови и за целокупното здравје. Еве во кои градови жителите дишат најчист воздух.
Хонолулу, Хаваи
View this post on Instagram
Островот Хаваи, а особено градот Хонолулу, се смета за едно од подрачјата со најчист воздух во САД, но и во целиот свет. Експертите веруваат дека тоа се должи на ветровите што дуваат и ги носат сите штетни честички кон морето. Дали чистиот воздух е причината зошто Хаваи се наоѓа на списокот на држави со најмалку срцеви удари годишно? Можеби…
Цирих, Швајцарија
View this post on Instagram
Уште еден многу чист град кој воведе строги мерки за управување со отпадот. Жителите најчесто се одлучуваат за возење велосипед, а што се однесува до транспортот, тие користат и возови, автобуси и метро. Малкумина избираат да возат автомобил, а тоа придонесува Цирих да биде еден од градовите со најчист воздух.
Аделаида, Австралија
View this post on Instagram
Овој град повеќепати е прогласен за еден од најчистите градови во светот, но и високо е рангиран на списокот на најдобрите места за живеење.
Калгари, Канада
View this post on Instagram
Своето место на списокот на најчисти градови го заслужи најверојатно поради пристапот кон отстранувањето и управувањето со отпадот. Кампањата „Премногу добро за да биде отпад“ значително го намали количеството ѓубре што завршува на полињата. Распределувањето на органската храна и рециклирањето на различните материјали драстично го намалија загадувањето во Калгари.
Хелсинки, Финска
View this post on Instagram
Овој град е една од најчистите престолнини во светот. Една од главните причини за тоа е што граѓаните за транспорт најчесто избираат велосипед. Верувале или не, Хелсинки има повеќе од 3.800 километри велосипедски патеки.
Рејкјавик, Исланд
View this post on Instagram
Рејкјавик е еден од петте најчисти градови во светот. Градот е целосно посветен на користење на алтернативните извори на енергија – околу 90 проценти од градот се затоплува и се снабдува со струја преку геотермална енергија.
Хамбург, Германија
View this post on Instagram
Овој град е светски лидер во концептот „зелена енергија“. Хамбург е добар пример за тоа како може да функционира оваа стратегија – целта е да се намали емисијата на штетните гасови за 40 % до 2020 година и за 80 % до 2050 година.
Велингтон, Нов Зеланд
Релативно ниската стапка на популација и специфичната географска положба го прават главниот град на Нов Зеланд полн со свеж и чист воздух, а граѓаните дополнително придонесуваат за чистотата на целиот град.
Прочитајте и кои се најдобрите градови за живеење во овој момент.
