Претходно
Големиот призматичен извор – колоритно чудо на природата
Датум: 10 мар 2012
Коментари: 0
Автор: Александра Чакаровска
Најголемиот геотермален извор во Америка, Големиот призматичен извор, претставува вистинско колоритно чудо создадено од природата. Сместен во Националниот парк Јелоустон, по својата големина е трет во светот, веднаш после природните базени во Нов Зеланд. Пронајден е во 1871 година, а името го добил токму поради своите бои, кои гледани низ призма наликуваат на прекрасно виножито. Сина, зелена, жолта, портокалова, црвена и кафена се боите кои му даваат оригинална убавина на овој природен извор.
Причина за разнобојноста на Големиот извор се пигментираните бактерии кои се размножуваат околу рабовите на водата којашто е богата со минерали. Овие бактерии создаваат бои од зелена до црвена нијанса, а која боја ќе доминира зависи од односот на органските пигменти хлорофил и каретеноид, како и од температурата на водата. Во лето, доминираат портокаловата и црвената боја, а во зима обично преовладува темно зелената боја. Центарот на изворот е стерилен поради екстремната жештина, а неговата неверојатна сина боја доаѓа од бојата на самата вода, која е многу нагласена заради нејзината чистина и длабочина во овој дел.
Погледнете го изворот и одблиску, како да се наоѓате таму.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
