Претходно
Футуристички ноќен клуб за журки од фантазијата
Датум: 30 јун 2012
Коментари: 0
На рајскиот тајландски остров Пукет се наоѓа луксузниот трговски центар Џангсилон, а во него е сместен неверојатниот ноќен клуб САУНД. Тој изобилува со елементи во научно-фантастичен стил, кои на музичкото и танцувачкото доживување му даваат несекојдневна футуристичка димензија.
Ентериерот во клубот е инспириран од човечкото уво, асоцирајќи на извонредните аудио ефекти во клубот. Буквално сите елементи имаат заоблена форма, кои покрај убавиот изглед овозможуваат перфектна акустика. Покрај нив, еден од најинтересните елементи за посетителите е огромниот ЛЕД екран кој реагира на музичките ритми, така што е совршено синхронизиран со музиката која се пушта во моментот. Овој дизајн е идеја на Orbit Design Studio, а може да прими до 700 гости.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
