Претходно
Финските канцелариски работници покажуваат зошто дремењето на работа е навистина важно
Ако отсекогаш сте барале добар изговор за да дремнете на пладне, вашата потрага најверојатно ќе биде завршена. Во Финска, канцелариските работници сè повеќе ја препознаваат вредноста на добриот одмор и потребната пауза, така што тие дремнуваат помеѓу работните часови.
Во финското општество брзо се проширува идејата за дремка, особено на места каде што стресот ја намалува продуктивноста. Иако времето за дремка е далеку од официјално на многу работни места, повеќето компании нудат тивки и соби за пауза каде што работниците можат да се релаксираат.
Дремката со водство станала тренд во одредени студија за јога, каде што само 30-минутна дремка со водство може да ги освежи изморените работници. Професионалец ѝ помага на малата група луѓе да го достигне врвот на релаксирањето, настрана од дигиталните стимули.
Еден фински професор и експерт за спиење смета дека дремењето на работа може да биде особено корисно за создавање цврсти врски и одржливи пријателства помеѓу колегите. Кога спиеме, ние сме поранливи и повеќе му веруваме на нашето опкружување, па навистина е важно со кого ќе дремете.
Во Финска, како и во многу западни држави, спиењето во текот на денот често се гледало како мрзливост. Но според финските експерти, ова се менува. Денес голем број Финци сметаат дека квалитетниот сон е вештина и важно достигнување. Сепак, добриот сон е она што нè прави продуктивни и креативни.
Покрај спиењето, во Финска се менува и стилот на работење. Финските компании полека ги исфрлаат премногу строгите правила за работни часови и им даваат предност на пофлексибилните, каде што секој работник може сам да си ги организира часовите и паузите. Бидејќи сечиј распоред на спиење е различен, ова му овозможува на секој работник да го добие потребниот одмор.
Погледнете и кои се 4-те видови дремки и придобивките од нив.
