Претходно
Фенг шуи: 3 растенија кои ќе ја привлечат вашата сродна душа
Цвеќето е жив организам кој зрачи со одредена енергија и може да влијае на луѓето кои живеат во домот каде што расте. Различни растенија имаат различна симболика, а според фенг шуи, постојат цвеќиња кои имаат магични својства. Се верува дека одредени растенија привлекуваат љубов и сродна душа, а во продолжение прочитајте за кои станува збор:
1. Спатифилум
Се купува и се чува во ист ден со антуриум и се чуваат и се негуваат заедно како машка и женска среќа. Се препорачува да ги чувате во саксии со потемни бои кои симболизираат почва, лојалност и плодност. Овие две растенија формираат комбинација од машка и женска енергија и создаваат љубовна атмосфера.
2. Хибискус
Хибискусот се нарекува и кинеска роза, а симболизира „љубовен магнет“. Ставете го ова растение во југозападниот дел од домот, кој според фенг шуи се нарекува агол на љубовта.
3. Циклама
Се верува дека овој неверојатно убав цвет привлекува љубов и хармонија во домот. Исто така, предизвикува мудрост и добра комуникација во врските, па затоа е идеален подарок за брачни парови за годишнина од свадба. Се препорачува да го одгледуваат оние што се осамени и веќе долго време бараат сродна душа, бидејќи покрај тоа што привлекува романтичен партнер, според симболиката на цикламата, ќе ви помогне да го направите вистинскиот избор.
За растенијата во вашиот дом да зрачат со позитивна енергија, важно е сами да ги купите, внимателно да се грижите за нив и да не ги запоставувате за да не се исушат и да не венеат. Додека ги наводнувате и ги пресадувате овие растенија, кажете магични афирмации за да привлечете вистинска љубов.
Прочитајте како треба да изгледа женската чанта според фенг шуи.
