Претходно
Европски села кои ќе ви го одземат здивот
Веб-сајтот „Foxnews“ составил една куса листа на најживописните села. Ова се мал дел од светски, не толку познатите места, на кои можете да се одморите и да си ја наполните душата од убавини.
Бибери, Англија
Камените куќички покрај патот „Arlington“ во селото Бибери во Англија, датираат од 14-от век и се најфотографираните во овој дел од земјата. Познатиот писател Вилијам Морис ова село го опишал како најубаво во цела Англија. Селцето е сместено крај реката Колн во централно-западниот ридест дел на Англија.
Савока, Италија
Сицилијанското село Савока е сместено на брдо помеѓу градовите Месина и Таормина на источниот брег од островот. Доколку сте во потрага по идилично место за одмор, ова мало селце навистина може да ви биде избор број еден. Во ова селце, се снимени и дел од сцените за култниот филм „Кум“.
Венген, Швајцарија
Благодарение на неговата локација, високо во Алпите и неговите традиционални дрвени куќички, швајцарското село Венген делува како да е од соништата. Кога ќе се додаде и фактот дека во селото е забрането да се возат автомобили, целокупната слика за местото е совршена.
Чешки Крумов, Чешка
Селцето се наоѓа на реката Влтава, а е изградено околу дворци кои датираат од 13-от век. Дворците содржат готски, ренесансни и барокни елементи. Ова место е извонреден пример на средновековно селце чија градба останала недопрена. Токму од оваа причина од 1992 година, заштитено е од страна на УНЕСКО.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
mestoto vo ceska neli e karlovi vari?
Селата се преубави, но јас сакам да упатам поздрав до авторот, од исто така страстен фан на Федерер 🙂