Претходно
Една од најубавите жени во светот е совршена и на 84-годишна возраст
Една од најубавите актерки на сите времиња, Софија Лорен, повторно ќе ја видиме на филмското платно, иако оваа дама одамна се повлече од светот на шоу-бизнисот. После паузирање од цела деценија, таа во нејзините 80-ти години снима нов филм кој го режира нејзиниот 46-годишен син Едуардо Понти.
Софија ја фотографирале на филмски сет во Бари, Италија, каде што носела долга и седа перика и била облечена во сина тоалета и сако, а во ова остварување ќе ја толкува улогата на жена која го преживеала холокаустот, а својот живот го посветила на чување деца на проститутки.
Нејзиниот лик во филмот носи црвени обетки и црна торба, а шминката е минимална и се состои од црн туш и кармин со месо боја. Покрај тоа што на фотографиите можеме да ја видиме Софија како е маскирана во филмски лик, сепак може да се забележи колку добро и сочувано изгледа иако веќе има 84 години!
View this post on Instagram
Ова не е за изненадување со оглед на тоа што станува збор за жена која со години беше идеал за убавина и синоним за сексапил, а годините само ѝ донеле зрелост, но не ја нарушиле нејзината харизма, отменост и софистицираност.
Италијанката нè научи што значи да се биде вистинска дива, изјавувајќи: „Ве молам не ги поправајте моите брчки, ми требаше толку долго да ги заработам.
Софија последниот филм го снимила пред 9 години и се работи за телевизиско остварување со назив „Мојата куќа е полна со огледала“. Таа одлучила нејзините „пензионерски денови“ да ги посвети во уживање, но и грижа за семејството и внучињата. Сега ретко се согласува за интервјуа, но минатата година сепак дала едно интервју каде што испраќа порака дека треба да се води грижа за себе.
View this post on Instagram
„Животот е живот. Уживајте во времето што ви е дадено, а стареењето е составен дел од тоа време. Затоа уживајте и во стареењето. И чувајте се. Водете грижа за себе“, објаснила Софија.
Додала и дека е среќна што имала успешна и блескава кариера.
View this post on Instagram
„Мојата мајка би рекла дека сè што имам сум заслужила. И би била горда на мене. Мојот Карло само би се насмеал“, рекла Софија.
Додала и дека со сопругот Карло Понти, со кој била од 1966-та година, па сè до неговата смрт во 2007-та година, доживеала љубов на прв поглед. „Искрено се сакавме“, била кратка и јасна.
Софија и Карло Понти имале два сина – гореспоменатиот Едуардо (46) и Карло Јуниор (50).
Прочитајте ги и овие 10 животни вистини од Софија Лорен.
