Претходно
Денес е Спасовден, а ова се дел од обичаите за овој празник
Православните верници денес го слават Спасовден, празникот посветен на Христовото Вознесение. Се слави секоја година 40 дена по Велигден и е секогаш во четврток.
Празникот е поврзан со настан од Новиот завет кога Исус Христос им рекол на учениците да го проповедаат Евангелието во светот. Различни обичаи и верувања се поврзани со овој ден уште од античко време. Нашите предци ја избегнувале тешката физичка работа на овој ден, а наместо тоа денот го посветувале на духовен развој, молитви и славење.
Еден од старите обичаи е плетењето крст од гранчиња леска, што е главниот симбол на празникот. Тој крст потоа бил поставен пред куќата, во дворовите, нивите и ливадите за заштита, радост и благосостојба. Овие мали крстови се чувале во текот на целата година, а наредната година се плетеле нови.
Верниците го слават празникот со одење во црква на утринска литургија. Се верувало дека на Спасовден треба да се јадат јагоди за среќа, а овој ден се поврзува и со обичајот да се приготвува богата семејна трпеза на која членовите на домаќинството се собираат, слават и поминуваат време заедно. Интересно верување е дека на Спасовден не треба да дремете преку ден, бидејќи се верува дека на овој начин ќе бидете поспани во текот на целата година. Покрај разните обичаи, најважен е личниот духовен развој, но и величењето на доблестите како вера, надеж и љубов.
Откако прочитавте дел од обичаите за Спасовден, можеби ќе сакате да прочитате и за 10-те необични обичаи ширум светот за посакување добредојде на новороденчињата.
Извор: sensa.mondo.rs
