Претходно
Дали знаете што се „наметливи мисли“ и како тие влијаат врз вас?
Дали некогаш сте наишле на мисли што ве натерале да помислите: „Па, од каде ли доаѓаат? Иако понекогаш може да бидат позитивни, честопати таквите мисли се вознемирувачко искуство. Во најлош случај, тие имаат форма на самоубиствени мисли или размислувања да се повредите себеси (или другите).
Што се наметливи мисли?
Наметливите мисли се негативни модели на однесување во нашиот ум што често се повторуваат и дејствуваат како да се дел од нас. Ова се деструктивни навики кои можат да предизвикаат негативен стрес во мозокот и во телото, во односите и во животот.
Времетраењето на наметливите мисли зависи од индивидуата и потребни се најмалку 63 дена за да се промени нервната мрежа и да се воспостави нов модел на размислување. Наметливите и негативни мисли можат да трошат многу енергија и на тој начин да влијаат на мозочните клетки и да доведат до можна депресија, нефлексибилност, отпорност на промени, додека во исто време мозокот се обидува да одржува рамнотежа.
Совети како да управувате со наметливите мисли
1. Правете вежби за смирување и фокусирање: ова значи длабоко дишење, медитација, молитва или јога – сè што ви е потребно за да ја усогласите врската ум-мозок и да го олесните протокот на енергија до мозокот.
2. Вежбајте развој на размислување за можностите: барајте различни начини и можности за согледување на ситуацијата бидејќи и најлошите ситуации имаат можности и решенија.
3. Вежбајте временско дистанцирање: фокусирајте се на долгорочно размислување, менување перспективи и ослободување од емоционалниот притисок. Ова би значело однапред да размислувате како би изгледала ситуацијата во минатото или во иднината и дали би била вредна за вас и би значела нешто. Исто така, размислете за она што сте го научиле и како прво да се промените себеси.
4. Управувајте со вашиот ум и со вашиот начин на живот: ако сте свесни за вашата ментална моќ, полесно ќе ги контролирате наметливите мисли што предизвикуваат хаос во вашиот ум. Така ќе научите да слушате, пред сè себеси и да се приспособите на она што го мислите и што го чувствувате, а ќе научите и како да реагирате на луѓе и настани.
Прочитајте кои 5 едноставни активности ќе ви ги смират мислите.
