Претходно
Дали знаете каде се наоѓа „најзелената“ зграда во светот?
Датум: 24 фев 2022
Коментари: исклучени
Станува збор за станбената зграда Bosco Verticale што во превод значи „вертикална шума“ која се наоѓа во Милано. Не само што е естетски привлечна, туку како што може да се забележи на фотографиите, зградата се карактеризира и со еколошки дизајн.
Ви се верува или не, зградата содржи онолку дрвја колку што можат да се соберат во еден хектар шума и според тоа, обезбедува тони чист воздух. Зградата е совршена комбинација на одржливост и стил.
Дали знаевте дека можете да престојувате во зградата со оглед на тоа што еден од становите во комплексот е достапен за изнајмување преку Airbnb? Се работи за стан со елегантен дизајн, со една спална соба, наменет за две лица. Станот располага и со клима уред, пристап до Wi-Fi, шик мебел, но и пристап до теретана.
По изградбата на Bosco Verticale во 2014 година, биле изградени и други слични згради ширум светот. Таа содржи вкупно 20.000 дрвја кои се полеваат со филтрирана отпадна вода, а становите првенствено ја користат сончевата енергија.
Единствен недостаток е што станот е резервиран сè до февруари 2025 година. Но, доколку навистина сакате да преноќите овде, ви препорачуваме редовно да ја проверувате страната на Airbnb и да се надевате дека некој ќе ја откаже резервацијата.
Откако прочитавте за најзелената зграда во светот и можноста да изнајмите еден од нејзините станови, можеби ќе сакате да прочитате и за 9 згради ширум светот што ќе ве остават без зборови.
Извор: punkufer.dnevnik.hr
