Претходно
Дали ќе исчезне под морето? Аеродром на вештачки остров до кој води мост долг 3 750 метри
Меѓународниот аеродром Кансај е архитектонско чудо. Сместен е на вештачки остров што е долг 4 километри и широк околу 2,5 километри, а се наоѓа во средината на заливот Осака, во близина на најголемиот јапонски остров Хоншу.
Поради недостатокот на простор во земјата на изгрејсонцето, но и за да се намали оптовареноста на меѓународниот аеродром во Осака, Јапонците започнале да градат вештачки остров во 1987 година, а седум години подоцна, на него слетале големи патнички авиони. Денес, низ него минуваат околу 30 милиони патници.
Во изградбата на островот биле искористени десетици милиони кубни метри материјал, кои биле влечени од осумдесет бродови и во кои учествувале повеќе од 10 000 работници.
Еден од најголемите предизвици за инженерите бил да изградат вештачки остров и аеродром што ќе можат да ги издржат постојаните земјотреси во областа, како и многубројните циклони. Но, градежниците не размислувале за последиците од климатските промени бидејќи аеродромот може да биде целосно под вода за 50 години.
Згора на сè, требало да се изгради мостот „Sky Gate R“, што е долг 3 750 метри и го поврзува овој остров со копното, поточно со градот Ринку и што овозможува пристигнување и заминување од аеродромот со автомобил или воз.
Во продолжение погледнете како изгледа третиот најфреквентен аеродром во Јапонија.
Погледнете како изгледа најдоброто место во светот за набљудување виножита.
