Претходно
Чешки бар во кој наместо келнери ве служат вовчиња
Чешкиот бар „Vytopna“, згодните келнерки ги заменил со вовчиња-играчки. Инсталирал високотехнолошки модел на железничка пруга, во должина од 400 метри. Жедните гости ги послужуваат програмирани вовчиња, чии вагони се натоварени со нарачките. За да стигнат до нив и да им ги однесат пијалаците, тие минуваат низ тунели, градови и шуми. Инсталацијата е комплетна, идејата автентична, а резултатот фасцинантен. 
„Возовите се направени да испуштаат најразлични звуци. Персоналот знае точно колава е нивната брзина и ја регулира уште пред да ги натовари пијачките и да ги испорача до гостите. Претходно, електронски ги подесува вовчињата, во кој дел од шанкот тие да застанат. Сосема е лесно да се работи со нив“, вели менаџерот на барот, Томас Цекава.
Преку следното видео погледнете како функционира новиот високотехнолошки систем на чешкиот бар:
Оваа необична инвестиција е вредна речиси 700.000 американски долари. Па, ако некогаш ве води патот во Прага, вреди да го посетите овој оригинален бар, каде пијачките никогаш не доцнат :-).
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
