Претходно
Афирмации што ќе ви помогнат да постигнете финансиска стабилност и подобар протек на пари
Во последните десет години, моќта на позитивното размислување, како и тоа да се биде во моментот и да се контролираат внатрешните монолози, сè повеќе се споменува во доменот на личното исполнување и среќата во животот.
Дефинициите за афирмација се различни, но многу духовни учители ги нарекуваат афирмации не само зборовите и речениците што си ги упатуваме себеси со намера, туку и сè што си велиме несвесно. Сè што си повторуваме „одвнатре“, без разлика дали се реченици што нè потсетуваат на некоја грешка, спомени што нè тераат да се срамиме од неуспехот или разни позитивни или негативни забелешки, многу влијаат на нашата психа, а со тоа и на односот кон сопствениот живот. Според тоа, афирмациите се зборови, изрази и реченици што самите си ги упатуваме, а кои ги менуваат нашиот однос кон нас самите и кон светот и погледот кон животот. Научните истражувања покажаа дека учениците кои се осврнуваат на личните успеси и доблести во сопствените монолози имаат подобри резултати на училиште.
Факт е дека менувањето на перспективата и фокусирањето на позитивното го менуваат и вашиот живот. Експертот за финансии, Брајана Фајрстоун, истакна дека била неверојатно скептична во однос на афирмациите, сè додека не открила невронаучни истражувања што ја докажуваат нивната ефикасност. Потоа, таа започнала да применува афирмации во финансиите и да ги учи другите да имаат ист однос со парите. Според неа, повеќето луѓе кои имаат проблем со финансиите имаат и негативен став кон парите.
Ако самите се трудите да создадете попозитивен однос со парите, подолу ќе најдете неколку афирмации што ќе ви помогнат во тоа. Но, пред да почнете да кажувате афирмации за финансиите, треба да знаете дека овие зборови нема магично да ја решат вашата тешка финансиска состојба за кратко време. Со попозитивен став кон парите, создавате поинаква врска, ги отфрлате стравот и сите негативности што ве спречуваат да ги преземете чекорите што се важни за промена.
„Моите пари се позитивна алатка која ми помага да создадам исклучителен живот.“
Многу луѓе ги гледаат парите како нешто негативно, нешто што недостасува, што им создава болка и нешто без кое нивниот живот е целосно лош. Кога ќе почнете да гледате на парите како позитивна алатка што може да помогне во подобрувањето на вашиот живот, ќе ја отстраните емоционалната блокада што ја имате со парите.
„Парите ми помагаат и имам доволно.“
Живееме во свет кој директно и индиректно нè потсетува дека немаме доволно средства за нешто. За жал, ова честопати нè преместува од свет на изобилство во свет на недостиг. Но, ако се фокусирате на она што го имате и ако сте благодарни за тоа, работите ќе почнат да се менуваат на подобро.
„Моите пари се бумеранг и секогаш ми се враќаат.“
Паметното и одговорно трошење секогаш треба да биде на прво место, но ако се чувствувате виновни кога купувате нешто што мислите дека го заслужувате или кога купувате работи за кои имате потреба и за кои имате пари, тоа не е во ред. Оваа афирмација ќе ве научи да ги пуштите парите и да го оставите стравот настрана.
„Моите пари ми помагаат да создадам позитивност во светот.“
Без разлика дали станува збор за позитивност преку помагање на сиромашните, инвестирање во еколошки средства за чистење, влошки за повеќекратна употреба или чаша за менструација, па инвестирање во други, во природата или во себе – треба да знаете како да направите разлика и да создадете позитивност во светот кој често е негативен.
Погледнете на кои 6 места во куќата е најдобро да ги скриете парите.
