Претходно
9 работи за кои никогаш не би помислиле дека имаат рок на траење
Кога станува збор за рокот на траење, обично помислувате на храната и на пијалаците, но има многу повеќе работи во домаќинството чиј животен век не е засекогаш.
Седишта за автомобили
Седиштето за автомобил може буквално да го спаси животот на вашето новороденче или дете, па затоа треба да бидете сигурни дека е правилно инсталирано и не го поминува рокот на траење. Да, секое седиште има рок на траење и обично е отпечатено на дното на седиштето. Долговечноста на автомобилското седиште зависи од датумот на производство и од марката.
Моторно масло
Нема ништо лошо во тоа да складирате моторно масло кога ќе го начекате на попуст, но имајте на ум дека тоа обично ги губи својствата по пет години. Тогаш, маслото може да започне да се одделува и може да се промени конзистентноста, нарушувајќи ги неговите перформанси.
Ќесички чај
Ако пиете чај само кога сте болни, ќесичките чај нема да имаат толку силно дејство како кога би биле свежи. Иако чајот не мора да се расипе, може да го изгуби квалитет по околу две години.
Очила за сонце
Не трудете се да барате датум отпечатен на вашите очила за сонце – нема да го најдете. Очилата за сонце ги блокираат штетни УВ-зраци што можат да предизвикаат рак или катаракта. За жал, како што одминува времето, тие сè помалку ги блокираат УВ-зраците. Тоа обично се случува по 2 години носење, кога е пожелно да се заменат.
Боја
Голем број луѓе ги чуваат остатоците од бојата. Веројатно нема да видите рок на траење, но тоа не значи дека може да ги очекувате истите резултати кога ќе ја користите бојата повторно. Всушност, експертите препорачуваат фрлање на која било боја што стои отворена две до четири години. Неотворената боја на база на масло ќе биде квалитетна околу 15 години, а бојата на база на латекс ќе биде квалитетна околу 10 години. Без оглед на времето, секогаш фрлајте ја бојата што е мувлосана, исушена или содржи парчиња.
Паста за заби
Пастата за заби не треба да се складира на големо, иако рокот на траење зависи од производителот и од брендот. На пример, пастите за заби Колгејт се генерално добри само две години од датумот на производство.
Сапун
Очекувате сапунот да ве исчисти, но можеби нема да заврши голема работа ако ги поминал своите најдобри години. Некои тврди сапуни имаат рок на траење, но за оние кои немаат, експертите препорачуваат да се чуваат најмногу три години. Стариот сапун е сув и има пукнатини.
Хидроген пероксид
Ова темно шишенце има изненадувачки краток рок на траење. Ако не е отворено, може да го чувате околу три години, но го губи својот ефект околу шест месеци откако ќе го отворите и ќе го изложите на воздух.
Спреј против инсекти
Немојте да бидете шокирани ако имате убод од комарец откако ќе се испрскате со средство против инсекти што сте го купиле пред неколку години. Ако не го чувате на многу висока или ниска температура, ќе трае околу три години. Потоа, производот почнува полека да се распаѓа и нема да биде толку ефикасен.
Погледнете кои предмети ги собирате во вашиот дом непотребно.
