Претходно
8 нешта во животот кои се поважни од наоѓањето сродна душа
Датум: 07 мар 2016
Коментари: 0
Многу луѓе ги поминуваат своите животи фокусирани на идејата и желбата за вистинска љубов. Но љубовта не е единственото нешто кое значи во животот и секако не е единственото нешто за кое треба да се бориме. Погледнете ги следниве 8 нешта кои се многу поважни од вашата потрага по сродна душа.
1. Лојалност од пријателите и саканите
Безусловното прифаќање не се случува многу често. Да најдете некој кој ве прифаќа и во најлошото издание е едно од најубавите нешта кои може да ви се случат. Кога можете да сте сигурни дека таа личност ќе остане покрај вас и покрај сѐ, тогаш сте ја нашле совршената за вас.
2. Толеранција
Понекогаш дури не се ни обидуваме да разбереме што се случува со другите луѓе и низ што поминуваат тие. Ако знаете да сте толерантни со другите луѓе и нивните одлуки, иако не се согласувате со нив, тоа ќе ве направи подобра личност. Мора да сфатите дека вашиот начин на живот не е единствен и дека и другите луѓе се всушност само луѓе.
3. Трпение
Живееме во егоцентричен свет. Во свет каде што нашите лични потреби се поважни од што било друго. Очекуваме дека веднаш ќе бидеме услужени, дека веднаш ќе ни бидат возвратени емоциите, дека многу брзо ќе успееме во сите наши замисли и кога нема да сме задоволни од ефектите, збеснуваме поради неправдите. Одложеното задоволство може да биде уште поубаво од тоа веднаш да го добите тоа што го сакате.
4. Желба за учење
Луѓето ја развиле лошата навика да се откажуваат кога треба да учат. Вашето образование не значи дека завршило затоа што повеќе не сте студент или ученик. Да се биде паметен не е исто со тоа да имате многу познавања за животот и никогаш нема да зажалите што поседувате многу информации.
5. Висока самодоверба и верба во своите можности и одлуки
Едно од најтешките нешта кои може да ги постигнеме како човечки суштества е да се стекнеме со самодоверба. Уште од најрана возраст како деца, почнуваме да се сомневаме во себе и тој сомнеж се провлекува низ тинејџерските години, па сè до зрелоста. Никој на светот не е совршен и штом сфатиме дека не постојат стандарди според кои треба да се водиме, тогаш ќе почнеме да веруваме во себе и своите способности.
6. Различни перспективи
На почетокот сите почнуваме од иста позиција. Сите сме родени без предрасуди, без размислувања, без страв. Начинот на кој растеме, местата и луѓето кои нѐ опкружуваат, одредуваат какви ќе бидеме како возрасни. Лесно е да го гледаме светот само од наша перспектива и да не ни е грижа за тоа како другите гледаат на нештата. Константното разгледување на светот од различни перспективи ќе ни помогне да ги цениме разликите и да се поврземе на начин на кој сме биле поврзани на почетокот.
7. Радост
Најлесното нешто што можете да го направите е да се затворите во темно место и да се жалите себеси и вашите порази во животот. Тешко е повторно да застанете на нозе и да побарате радост во секојдневието. Можеби животот не се одвива како што сте испланирале, но доволно е што сѐ уште сте живи.
8. Слобода
Мислиме дека другите нѐ ограничуваат, но вистината е дека најмногу се ограничуваме ние самите. Ние си кажуваме дека нешто е невозможно да се направи и кога го слушаме внатрешниот глас, ги пропуштаме можностите да се ослободиме од очекувањата. Слобода е кога го правиме она што го сакаме без да се грижиме. Патувајте кога и каде што сакате, живејте со кого и каде сакате, бидете она што сакате.
