Претходно
72-годишен дедо стана супер моделка за женска облека
Датум: 21 ное 2012
Коментари: 0
72-годишниот Кинез Liu Xianping е најверојатно најкул дедо на светот. Тој сакал да ѝ помогне на неговата внука да ја искомбинира облеката за промотивните фотографии, наменети за нејзината онлајн продавница за женска тинејџерска облека „Yuekou“. После кратко време, овој дедо станува интернет сензација.
„Сѐ започна како шега. Тој избра едно парче и го облече со цел да ни даде совет како да го комбинираме. Ни стана забавно и започнав да го фотографирам и сите фотографии ги прикачив на веб-сајтот“ – раскажува внуката.
Талентираниот, слабичок дедо одлично се снашол во работата на модел за женска облека, со што ѝ помогнал на неговата внука, да ја зголеми продажбата шестократно.
Откачениот дедо Лиу се справил со сѐ што носат тинејџерките, од розова облека, секси здолништа, тантела, хулахопки во боја, чантички, шалчиња, до очила за сонце и успеал да ги изрекламира на уникатен, хумористичен и женствен начин.
„Зошто да не е прифатливо некој како мене да носи женска облека? Тоа што сум модел за продавницата ѝ помага на мојата внука, а јас немам што да изгубам. Бевме многу среќни на денот на фотографирањето. Јас сум многу стар и единствено нешто за што се грижам, е да бидам среќен“ – изјавил тој.
Коментарите за идејата се многу позитивни, а голем број од обожавателите дури му завидуваат на добрата фигура која ја има дедото, особено на неговите витки, долги нозе.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
