Претходно
7 начини на кои вашиот живот ќе се подобри откако ќе најдете работа
Датум: 04 мар 2016
Коментари: 0
Влегувањето во канцеларијата на првиот работен ден може да биде навистина застрашувачки. Не знаете каде да одите. Не знаете што треба да правите. За која работна позиција сте примени? Колку време ќе им треба за да разберат дека погрешиле? Потоа седнувате на бирото. Имате долг разговор со шефот и ги добивате потребните материјали за работа. И потоа си мислите во себе „Не е толку страшно“. Веднаш се фаќате со работа и всушност одлични сте во тоа што го правите. А ова е само почеток.
Прочитајте ги следниве 7 начини на кои вашиот живот ќе се подобри откако ќе почнете да работите:
1. Плата
Ако досега не сте направиле свадба или сѐ уште немате родено дете, денот кога ќе ја земете првата плата е најдобриот ден во животот. Прекрасно е чувството кога ќе видите дека на вашата сметка има одредена сума пари кои се ваша заслуга, а не заслуга на среќата. И никој не може да ви ги одземе.
2. Уште малку и ќе можете да живеете самостојно
Штом најдете стабилна работа, осамостојувањето станува реална цел во животот. Без разлика дали ова значи иселување од вашиот дом или иселување од станот кој сте го делеле со тројца цимери и почнувањето на нов живот во еднособен стан од вашите соништа, конечно ќе го почувствувате вкусот на слободата.
3. Конечно чувствувате дека сте важен дел од општеството
Кога сте вработени имате цел (и причина да станете од кревет пред пладне). Секојдневно имате листа на задачи и креирате рутина. Вие официјално сте дел од работниот свет, а оттука и придонесувате за развој на општеството.
4. Во животот има и поважни нешта од бркањето висок просек
Повеќето од нас поминуваат 17 години во образовниот процес, од прво одделение, па до конечното дипломирање. Тоа се 17 години поминати во бркање совршени оценки. Оваа монотонија може да биде исцрпувачка. Но, вашата прва работа значи дека секојдневно ќе се соочувате со нови предизвици. Сѐ уште ќе бидете предмет на испитување, но сега ќе имате различни цели како плата и унапредување, а оценките ќе ги оставите во минатото.
5. Со сигурност ќе најдете барем еден најдобар пријател
Вашата работа ви ги обезбедува сите потребни предуслови за пријателство. Заеднички интереси, поминување долго време заедно, заеднички поплаки кон шефот. Со сите овие сличности, ќе најдете пријател за целиот живот.
6. Бесплатна храна во канцеларијата
Каква храна сакаат сите? Бесплатна. Ова е тешко да се замисли пред да се вработите, но кога ќе најдете работа невозможно е да останете гладни бидејќи работните канцеларии се преполни со бесплатна храна. Има многу предности кои ги стекнувате кога конечно ќе се вработите, но ништо не може да се мери со бесплатната храна, па дури ни платата.
7. Конечно може реално да размислувате за нова кола
Откако ќе заштедите дел од платата, може сами да одлучите како ќе ја потрошите заштедата. Најчесто сите се одлучуваат да штедат за кола, практично решение кое ќе го олесни вашето движење наоколу. Долго време го користите јавниот превоз или ја возите старата кола на вашите родители. Време е да се подновите, а тоа што имате стабилна работа значи дека може сериозно да размислувате за нова кола.
