Претходно
6 разлики помеѓу родендените во детството и оние што ги дочекуваме како возрасни
Се сеќавате на времето кога родендените беа најдоброто нешто што се случуваше во текот на годината? Кој да знае дека тие всушност нè носеле сè поблиску и поблиску до светот на возрасните кога треба да се грижиме за плаќање сметки и броење калории? Ајде да се потсетиме како беше кога чекавме родендени во едно поедноставно време, во споредба со деновите кога официјално стануваме постари за една година во светот на возрасните.
Како деца: „Цел ден ќе го поминам јадејќи тортаааааа!“
Како возрасни: „Цел ден ќе го поминам во пишување ‘Фала’ на честитките на Фејсбук, како тоа нешто воопшто да значи.“
Како деца: „Сите мои другарчиња ќе дојдат!“
Како возрасни: „Ќе резервирам за 20 души во ресторан, во последен момент 10 ќе ми пишат дека не можат да стигнат.“
Како деца: „Ќе славам цел ден!“
Како возрасни: „Ќе бидам на работа до 6, потоа ќе се сретнам со некои пријатели, но утре сум од 8 на работа, така што нема да можеме да заглавиме до касно.“
Како деца: „Уште 10 дена до мојот родендеееен!“
Како возрасни: „Ах, утре ли ми е роденден?!“
Како деца: „Се надевам дека ќе добијам еден куп подароци!“
Како возрасни: „Морам да запазам кој ќе ми донесе подарок за да знам и јас да им однесам кога ќе одам кај нив на роденден.“
Како деца: „Уште една година поблиску до возачка!“
Како возрасни: „Уште една година поблиску до смртта.“
