Претходно
5 одлуки за кои никогаш нема да зажалите
Датум: 18 фев 2016
Коментари: 0
Животот се движи со брзо темпо. Работата, разните активности и случувањата често нѐ спречуваат да се фокусираме на најважните делови во животот. Континуираното пропуштање на можноста да си помогнеме на самите себеси или на другите веќе станува норма. Но, животот не мора да биде толку комплициран. Одлуките кои ги носиме денес создаваат сеќавања на кои ќе се навратиме во иднината. Ова се 5-те одлуки за кои никогаш нема да зажалите што сте ги направиле.
1. Прошетка со некој кој го сакате
Кога одите и разговарате со некој кој ви е важен во животот доаѓа до длабоко поврзување на емотивно ниво. Се чувствувате како грижите да исчезнуваат, мирот да се појавува и надежта повторно да се раѓа. Единствената прошетка за која ќе зажалите е онаа на која нема да отидете.
2. Испраќање рачно напишани пораки
Благодарноста е клучот кој ја отклучува радоста. Кому последно сте му се заблагодариле? Чинот на испраќање рачно напишана порака ја покажува вашата искреност и претставува нешто што се цени и чува засекогаш.
3. Насмевка
Смеењето го подобрува вашето здравје и расположение и ве прави уште попривлечни. Вашата насмевка е заразна и ви дава можност да го поправите како вашиот, така и денот на некој друг. Никогаш не знаете низ што поминува таа личност во тој момент и можеби токму вашата насмевка е тоа што ѝ е потребно за да се почувствува подобро, важно и ценето.
4. Поттик и охрабрување
Поголемиот број луѓе често се соочуваат со тешки ситуации и предизвици: физички, финансиски, деловни, емоционални… Запомнете дека, без оглед на она што се случува, секому му е потребен поттик, охрабрување и мотивација во животот.
5. Вежбање
Вашето физичко здравје го одредува квалитетот на вашиот живот. Ако одлучите да вежбате, тоа ќе ви ја обезбеди потребната сила за да совладате сѐ што ќе ви застане на патот кон исполнувањето на вашите цели. Можеби малку ќе ве демотивира напорот кој треба да го вложите, но никогаш нема да зажалите од резултатот.
Животот е краток. Дали ќе дозволите во последните мигови жално да се сетите на сите пропуштени шанси низ годините кои изминале или ќе се насмеете од уво до уво? Изборот е ваш.
